Diretór Servisu Munisípiu Obra Publika Covalima, Alberto Cardoso. Imajen/Tatoli/Eugénio Pereira

COVALIMA, 03 Outubru 2019 (TATOLI)-Durante tinan haat nia laran (2017-2019) Munisípiu Covalima konsege hetan mudansa makaas iha prosesu dezenvolvimentu infraestrutura estrada nasionál ba postu administrativa sira sira komesa hadi’a ona.

Tuir relatóriu, Servisu Munisípiu Obra Publika (MOP) Covalima hatudu katak iha tinan haat projetu hamutuk infraestrutura boot hamutuk 33 maka implementa ona husi kompañia nasionál no internasionál tuir planu Estratéjiku Dezenvolvimentu Nasionál (PEDN) 2011-2030.

Diretór Servisu Munisípiu Obra Publika Covalima, Alberto Cardoso rekoñese projetu hadi’a estrada, ponte, drenajen sira ne’ebé implementa ona fó benefísiu tebes ba mudansa dezenvolvimentu estrada iha Covalima nian.

“Husi 2017 too agora projetu hamutuk 33 implementa ona hotu ona ne’ebé ita haree katak iha mudansa maka´as tebes ba progresu dezenvolvimentu estrada iha Covalima nian ho estrada 23 kilómetru tau hotu ona alkatraun no drenajen no ponte kompletu,” dehan Diretór Obra Publika, Alberto Cardoso iha nia servisu fatin, MOP Covalima.

Husi projetu 33 balun hotu ona, falta projetu hitu (7) maka kompañia nasionál sira halo seidauk hotu iha área Postu Zumalai no Postu Fatumea nian ne’ebé kompañia sira implementa hela tuir kontratu.

“Falta projetu estrada hitu (7) mak seidauk hotu, maibé balun tama oan 70% hein de’it kompañia monta alkatraun hanesan Zumalai nian Kompañia Aitula maka halo estrada ne’ebé ami haree too Dezembru 2019 kompañia sira sei finaliza hotu too 80 too 85%,” nia informa.

Nia hatutan kona-ba programa atu loke estrada ba too postu ho aldeia remota sira tama iha programa nasionál nian MOP sentrál Dili maka organiza direita hodi hadi’a.

Atu garante projetu nia kualidade, durante ne’e MOP Covalima hamutuk ho tékniku Ajénsia Dezenvolvimentu Nasionál (AND) kada semana kontinua halo monitorizasaun ba projetu.

“Ami ho ADN fiskaliza nafatin projetu para haree ninia kualidade ne’e, se la di’ak sobu kedas hadi’a tuir kontratu Bill of Quantity (BoQ),”nia hatete.

Diretór Alberto husu ba kompañia sira bainhira halo projetu labele buka lukru de’it, maibé tenki iha nasionalizmu boot halo projetu ho kualidade, tanba kada projetu estadu tua ona lukru porsentu (%) 10 ba kompañia sira.

Daudaun ne’e MOP Covalima iha rekursu hamutuk ema na’in haat (4) no MOP Dili koloka tan tékniku na’in lima (5) ba Covalima hodi apoiu halo fiskaliza saun ba projetu.

Difikuldade ne’ebé parte MOP Covalima hasoru mak la iha transporte karreta atu halo fiskalizasaun ba projetu sira ne’ebé implementa. Tanba durante ne’e sira uza de’it maka projetu motór la’o ba fiskaliza projetu iha postu too suku.

Projetu 33 Ne’ebé Implementa Ona

Tuir lista númeru (A) projetu 33 ne’ebé implementa iha 2017 too 2018 mak hanesan, reabilitasaun estrada Motamasin-Haemeno Rood Pak I, kilómetru 5.6 iha Postu Administrativu Tilomár (Projetu MDRI) ho valór kontratu $4,941.274. 52 progresu %100 implementa husi Kompañia GND Unip Lda. (falta retensaun).

Reabilitasaun estrada Manutasi-Mota Masin-Haemeno Rood Pak II, kilómetru 5.6 Postu Tilomár (Projetu MDRI) ho valór kontratu $4,392,244.02 progresu %100, implementa husi Kompañia Vitória Unip Lda (falta retensaun).   Reabilitasaun estrada Manutasi-Motamasin-Haemeno Rood Pak III, kilómetru 5.6 iha Postu Tilomár (Projetu MDRI) ho valór kontratu $4,392,244.01 progresu %100, implementa husi Kompañia Vitória Unip Lda (falta retensaun).

Reabilitasaun estrada Motamasin-Haemeno Rood Pak IV ho kilómetru 5.6 Postu Tilomár (Projetu MDRI) valór kontratu $4,941,274.58 ho progresu %100, implementa husi kompañia EDS Const Lda (falta retensaun).  Reabilitasaun estrada Motamasin-Haemeno Rood Pak V ho distánsia kilómetru 6.3 Postu Suai (Projetu MDRI) valór kontratu $4,941,274,58 ho progresu %100, implementa husi Bobolait Unip Lda (falta retensaun).

Reabilitasaun estrada Motamasin-Haemeno Rood Pak V ho distánsia kilómetru 4.9 Postu Suai (Projetu MDRI) valór kontratu $3,843,2134,52 ho progresu %100, implementa husi Kompañia Holgapa Unip Lda, (falta retensaun).  Reabilitasaun estrada Suai Rood Pak VII ho distánsia kilómetru 5, (Projetu MDRI) valór kontratu $3,921,646.44 ho progresu %100, implementa husi Kompañia Star King Unip. Lda (falta retensaun).

Nune’e mós lista númeru (B) reabilitasaun projetu Haemano Brige ba Zumalai JCT Pak. I kilómetru 3.28, Postu Suai (Projetu MDRI) valór kontratu $3,445, 877.60, progresu %66.60, implementa husi Kompañia WJI Unip Lda, (Falta alkatraun). Reabilitasaun projetu Haemano Brige ba Zumalai JCT Pak II, kilómetru 3.58, Postu Zumalai (Projetu MDRI) valór kontratu $3,802,446.29, progresu %47,83, implementa husi Kompañia Nobre Labadain Unip Lda (Biskos ona).

Reabilitasaun Estrada Haemeno Bridge ba Zumalai JCT Pak III, kilómetru 5.04 (Projetu MDRI) ho valór kontratu $3.486,708,40 progresu %31 implementa husi Kompañia Star Suai Unip Lda (La’o neineik). Reabilitasaun Haemano Bridge ba Zumalai JPC.PAK III, kilómetru 5.04 (projetu MDRI), valór $3,486,708.40, progresu %31, implementa husi Kompañia Star Suai Unip.Lda (la’o neineik). Reabilitasaun Haemano Bridge ba Zumalai JPC.PAK IV, kilómetru 5,14 ho valór $3,898,396.71 ho progresu %50,5%, implementa husi Kompañia AITULA FUEL LDA (tau ona alkatraun balun husi Zumalai).

Updranding of Casa –Zumalai Rood JCT Harekain Rood, kilómetru 4 Zumalai (projetu MDRI) valór $3,026,312.56 ho progresu %94,69, implementa husi Kompañia Clardel Interprice Lda (alkatraun hotu ona).  Konstrusaun loke estrada foun Beelulik Lete, Beelulik Kraik for Patroling the Border, kilómetru 9.16 husi Fatumean (projetu MDRI) ho valór $3,407,674.66, progresu %55,90, implementa husi Kompañia Behoris Unip Lda (aterra ona satbis no hein payment).

Reabilitasaun ba Drenajen iha Aldeia Leogore, kilómetru 5.4, Postu Maucatar (projetu MDRI) valór $955,722.62, implementa husi Kompañia Mau Alin Suai Unip Lda ho progresu %100 (falta retensaun).  Reabilitasaun estrada JCT Tilomár Fatumea, kilómetru 4.775 (projetu MDRI), valór $3,043,529.19, implementa husi Kompañia Karya Agung Lda, progresu %95,46 (alkatraun ona).

Reabilitasaun estrada Bee Mean-Zumalai (projetu MDRI), valór $3,645,870,73, implementa husi Kompañia Roman Junior Lda ho %65,96 (aterra sritu okos). Reabilitasaun estrada Urbana Covalima Pak. I distánsia 7.58 (projetu MDRI) ho valór $4,487,106.16 implementa husi Kompañia JONIZE Unip Lda ho progresu %100 (falta retensaun).

Reabilitasaun estrada Urbana Covalima Pak. I, distánsia 7.575 (projetu MDRI) ho valór $3,301,268.19, implementa husi Kompañia Mejori Unip Lda ho progresu %100 (falta retensaun). Reabilitasaun estrada Urbana Covalima Pak. I, distánsia 7.75 (projetu MDRI) ho valór $4,255,553.42 implementa husi Kompañia NANANIU Unip Lda ho progresu %100 (falta retensaun).

Konstrusaun Projetu Auto Estrada Suai Beacu (Construction of Suai Beacu Highway Rood Project Selection 1: Suai) kilómetru 30.355 husi Postu Administrativu Covalima ba Zumalai (projetu MDRI) ho valór $296,100,252.97 implementa husi Kompañia Internasionál China Oversses Eng. Grup Lda Jv China Relwey Firs Group Lda ho progresu %100 (hotu ona).

Projetu Konstrusaun Aeroportu Kay Rala Xanana Gusmão Suai (projetu MDRI) ho valór $67,687,412.46, implementa husi Kompañia PT. Waskita Karya ho progresu %100 (remata ona). Reabilitasaun estrada Dato-Tolu Sta 0+00-1+800-Manutensaun 6.00 ho distánsia 1+800 ba Postu Fohorem (projetu R4D/ILO) ho valór $316,928.74, implementa husi Kompañia Unidade ho progresu %100 (Nihil).

Reabilitasaun estrada Dato Tolu 01+800-03+300 ho distánsia 1+100 Fohorema (projetu R4D/ILO) ho valór $272,904.92  implementa husi Kompañia River Fatubesi ho progresu %100 (Nihil).  Reabilitasaun estrada Lo’okeu, Lepo, Lour, Nagidal Lour ho distánsia 6+600 Postu Zumalai (projetu R4D/ILO) ho valór $150,247.52 implementa husi Kompañia Manu Bey ho progresu %100 (Nihil).

Reabilitasaun estrada Boraikun,Mape 80.00 ho distánsia 8+800 Postu Zumalai (projetu R4D/ILO) ho valór $147,256.45 implementa husi Kompañia Manu Bey ho progresu %100 (Nihil). Reabilitasaun estrada rurál Lo’okue, ho distánsia 3+500 Postu Suai (projetu R4D/ILO) ho valór $41,996.40 implementa husi Kompañia Futuru Mane Mesak ho progresu %100 (Nihil).

Reabilitasaun estrada rurál Nagidal, Lour, Barokun, Mape ho distánsia 8+000 Postu Zumalai (projetu R4D/ILO) ho valór $34,106.69, implementa husi Kompañia Futuru Mane Mesak ho progresu %100 (Nihil).  Entretantu Projetu kontrasaun dragajen iha Suai Loro Betusa too Suai Loro (projetu MDRI) ho valór 1,221,216.12, implementa husi Kompañia Konsórsiu Naroman Cova-5 Group ho progresu %38,90 (para hein pagamentu).

Reabilitasaun emerjénsia (Emergncy Normalitation and Rood Protection Ouques-Muacatar) (projetu Emerjénsia MDRI) ho valór $566,988.04 implementa husi Kompañia Konsórsiu Tubun Esperansa ho progresu %100 (antes). Projetu Konstrusaun Emerjénsia Estrada Busakakun-Suai (emerjénsia MDRI) ho valór $970,974.30, implementa husi Kompañia Konsórsiu Zemo ho progresu %100 (antes).

Projetu Konstrusaun Emerjénsia Estrada Dato Rua Fatumea, Postu Fohorem (emerjénsia MDRI) ho valór $667,000.00, implementa husi Kompañia Jufado Unip Lda ho progresu %100. Reabilitasaun estrada Nasionál Seksaun 8: Zulo-JCT Zumalai 30+100_35+120 Km) ka ho distánsia 4.39 (projetu MDRI) ho valór $4,314,282.59, implementa husi Kompañia Marino Interprice ho progresu %16.95 (Loke too Ona Zulo).

Reabilitasaun estrada Zulo-JCT  Zumalai 30+100+120 Km ka ho distánsia 4.39 (projetu MDRI) ho valór 3,748,915.76, implementa husi Kompañia Oktogono Unip Lda ho progresu %32.59 (projetu la’o neineik).

Implementa Tan Projetu Neen iha 2019

Entretantu ba tinan 2019 nian, MOP implementa mós projetu hadi’a infraestrutura hamutuk neen (6) iha Munisípiu Covalima nian ne’ebé loke ona konkursu públiku ba kompañia nasionál sira hodi implementa hela projetu.

Projetu sira ne’ebé implementa maka hanesan, Konstrusaun Kampu Multi Funsaun Lakonac Covalima ho No.Contrato 001.LM/RDTL/MPIE iha Suai Vila, Suku Debos Laconac ho valór $125,180.41 (projetu implementa hela).

Nune’e mós Projetu Dezenvolvimentu Infraestrutura ka (MDIM) ba konstrusaun foun Eskola Tékniku Vokasionál Zumalai No kontratu 01/A.M.Covalima/KDM-AMP/VII/2019 iha Suku Suai Loro implementa husi Kompañia Dini Kede Unip Lda ho valór $140,44.49 ho progresu %38,35.

Konstrusaun Eskola Foun Tékniku Vokasionál Zumalai, implementa husi Kompañia Tane Illas Suai (TAIS) ho valór $83,860.87 ho progresu %25. Konstrusaun Eskola Tékniku Vokasionál Zumalai, Suku Belacasak, implementa husi Kompañia Subudoi Unip Lda ho valór $83,860.87. Konstrusaun Postu Saúde Fatuleto no Rezidénsia Médiku, Suku Zulo Vila, Implementa husi Kompañia Lifran Unip Lda ho valór $177,630.77 ho progresu %35,89.

Konstrusaun Postu Saúde Fatulelo, Suku Nanu-Fatumea, implementa husi Kompañia Unidade Unip Lda ho valór $228.246,62 ho progresu %5,5. Ikus liu maka halo uma ba komunidade husi Kompañia Joia Camnasa ho valór $186.186.842,31 ho númeru kontratu 06/A.M.Covalima/KDM-AMP/IX/2019.

Munisípiu Covalima lokalizadu iha zona osidentál país, besik fronteira ho Indonézia. Iha abitante 59.455 míl (Sensu 2010) no área ida ho 1.226 km². Nia kapitál mak sidade Suai ne’ebé hela 138 kilómetru iha Sudeste Dili, kapitál país. Covalima inklui Postu Administrativu Fatululik, Fatumean, Fohorén, Mape-Zumalai, Maukatar, Suai no Tilomár ho suku 30 no Aldeia 160.

Jornalista: Eugénio Pereira

Editór        : Rafy Belo

HAKEREK NO HATÁN

Please enter your comment!
Please enter your name here