DILI, 03 outubru 2019 (TATOLI)-Festival Filme Internasionál Dili (DIFF-sigla inglés) halo ona abertura hodi aprezenta filme naruk no badak, dokumentáriu no narrativu, ho kontribuinte no bainaka internasionál no lokál sira, iha Timor Plaza, Dili.
Embaixadora Estadu Unidu Amérika (EUA), Kathleen Fitzpatrick apresia DIFF no orgullu Festivál Filme Internasionál no relembra katak apoiu ona DIFF liuhusi dalan barak.
“Komesa hosi inísiu liuhosi asisténsia finansiamentu no hanoin importante liu mak liuhosi dalan barak seluk ida mak ami iha progama ida bolu American film Showcase no hosi American film showcase ita bele lori filme ba rai seluk no mós liuhosi American Film Showcase ita iha filme Amérika balun iha ne’e inklui filme sira seluk,” dehan Embaixadora Kathleen Fitzpatrick bainhira hato’o nia liafuan badak iha abertura Festival Filme Internasionál Dili, kuarta ne’e.
Diplomata amerikana ne´e hatutan, filme seluk la’ós parte hosi Amerika film showcase nian mak Private Word ne’ebé kona-ba jornalista ho naran Marie Colvin ne’ebé iha Timór. “Depois de referendum no nia hakerek no relata buat sira subar no bosok iha Timór no nia respeitadu tebes ba nia kontribuisaun iha Timór”.
Tuir diplomata ne´e katak filme Private ne’e nia manan medalla osan-mean hosi Prezidente Repúblika iha serimónia 30 agostu iha tasi mane no mós filme Amerika barak iha ne’e balun filme dokumentariu no mós filme hosi parte balun iha mundu hosi Portugal, Brasil, Nova Zelándia no seluk tan.
“Dalan terseiru hosi ami apoia filme festivál no iha ne’e ami iha filme na´in rua no ha’u hanoin imi koñese sira nain rua no ha’u fó koñese sira ida Elrick Brown nia filme na´in nia agora hanesan profesór iha universidade iha Nova Iorke no nia mak ema primeiru ba film festival no teatru no mos Don Valades nia hanesan filme na´in hosi USA no Ko-diretor ba filme ida hanaran Push Out,” tenik Embaixadora Amérika ba Timor-Leste Kathleen Fitzpatrick.
“Ha´u sente kontente tebes hamrik iha ema lubun boot atór eh atriz sira ne’ebé hanesan ema sira ne’ebé bele lori istória no halo nakfila sai ba buat ne’ebé signifikadu tebes ba ema no importante ba sosiedade hanesan Timor-Leste, Amerika USA, Austrália no Portugal, ne’ebé iha sosiedade ne’ebé nakloke no ita-nia filme na´in sira no komunidade artístika konta istória ne’ebé dala barak la iha liu no lian lakon de’it no dala barak istória konta ema la sente ho laran diak maibé importante atu konta sai”.
Iha fatin hanesan, Espesialista Filme EUA, Dawn Valadez espera, filme ne’ebé prodús iha istória ne’ebé ema barak bele haree no rekoñese buat sira ne’ebé familiár tebes. “Iha ne’ebá no ho laran luak ita hakarak ko’alia ba ema kona-ba nia filme no ha’u sente kontente apoiu workshop eh semináriu no aprende kona-ba istória boot ne’ebé ita boot sira iha ne’e iha”.
Enkuantu, Espesialista Filme Alrick Brown apresia tebes no agradese ba embaixadora no organizasaun hotu ne’ebé halo posibilidade ona ba atividade. “Iha ne’ebá iha ema filme na´in barak no ikus imi hili ami atu mai iha ne’e no ne’e hanesan previlejiu boot” nia konsidera.
Iha okaziaun ne´e, partisipante Lansamentu Festival Filme (DIFF), Premiadu Nobel da Paz, José Ramos Horta hateten, filme festivál espesialmente admite kongratula Lena Lenza. Nia ema feto ida inkredivel.
“Nia mai iha Timor-Leste mais ou menus tinan sanulu ona, toman ona ho Timor, hadomi no hasoru ona obstakulu oioin, ne’e duni toman ona iha ne’e,” konsidera José Ramos Horta bainhira hato’o liafuan badak iha abertura festivál filme internasional Dili iha Timor Plaza, kinta ne’e.
Entertantu, abertura Festival Filme DIFF mós reprezentante UNICEF no mós bainaka internasional no nasionál sira.
Notísia relevante:DIFF Lansa Portál Ba Kompetisaun Prodús Filme Badak
Jornalista : Nelia Fernandes
Editor : Rafy Belo
