Sekretáriu Estadu Kooperativa, Arsénio Pereira da Silva. Imajen/Tatoli.

DILI, 02 outubru 2019 (TATOLI) – Sekretáriu Estadu Kooperativa (SEKoop), Arsenio Pereira, informa SEKoop kontinua apoia orsamentu rihun $90 ba grupu kooperativa kréditu atubele hasa’e ekonomia komunidade nian iha baze.

Apoiu orsamentu ne’e liuhosi asina akordu ho grupu kooperativa hamutuk hitu inklui Rádiu Televizaun Timor-Leste (RTTL.Ep) iha Bebora, ohin.

“Sira ohin hetan apoiu osan hamutuk rihun $90, tanba depende ba sira nian proposta ne’ebé husi ekipa SEKoop avalia”, dehan Arsénio Pereira ba jornalista sira.

Grupu kooperativa hirak ne’e maioria hosi Uniaun Kréditu, Juventude Kreativu inklui mós RTTL.Ep.

“Hanesan RTTL.Ep, SEKoop apoia ho objetivu ida hodi bele halo transmisaun direta ba munisípiu sira oinsá foka ba programa divertimentu sira no informasaun kona-ba kestaun kooperativa”, esplika.

Iha fatin hanesan, Prezidente Uniaun Kooperativa Kreditu Lakon Nakukun Mosu Naroman (LANAMONA), Domingas dos Santos, sente kontente ba apoiu osan ne’ebé SEKoop fó liuhosi orsamentut transferénsia públika no sei jere osan tuir nesesidade grupu nian.

Nia esplika osan hirak ne’e sei uza ba formasaun no kapasitasaun ba membru sira, oinsá bele asesu kreditu ba komuniade hodi halo negósiu no atividade seluk tan.

Notísia relevante : SEKoop Apoia Orsamentu Rihun $49 ba Grupu Kooperativa 10

Jornalista : Natalino Costa
Editora : Maria Auxiliadora

HAKEREK NO HATÁN

Please enter your comment!
Please enter your name here