Eis Prokuradora, Angelita Pires. Imajen/Espesiál

DILI, 02 outubru 2019 (TATOLI) – Atu nasaun ne’e la’o iha integridade tuir valores ‘direitu no demokrátiku’, maka órgaun  soberanu sira tenke respeita no obedese ba Konstituisaun.

Eis Prokuradora, Angelita Pires, hateten, ema hotu tau preokupasaun no apela ba lideransa nasionál sira, inklui polítiku sira ne’ebé kaer ukun iha ria ida ne’e atu hatene respeita ba separasaun podér no kontribui ba independénsia judisiáriu atu bele hatuur mós integridade setór justisa nian.

Iha dada lia ida ho Ajénsia TATOLI, ohin, iha Tribunal Distritál Dili (TDD), eis kandidatu Prezidente Repúblika, Angelita Pires, hateten, lider ho polítiku sira mak tenke fó ezemplu hodi respeita valores sira ne’ebé hatuur iha RDTL nia laran, liuliu respeita serbisu setór justisa nian atu bele garante integridade órgaun judisiáriu nian.

“Ha’u husu ba governates inklui mós lider sira liu husi Governasaun ida nee, atu hatuur lei iha nia dalan, nune’e ema nasaun seluk no mós rai seluk respeita sistema judisiál nia independénsia,” hateten Angelita Pires.

Nia konkorda ho Prezidente Repúblika, Francisco Guterres “Lu Olo” ne’ebé mak rekomenda ba Tribunal, Ministériu Públiku no Defensoria atu labele iha kór polítiku maibé tenke haree de’it ba aplikasaun lei.

Tuir nia observasaun ba lala’ok implementasaun justisa iha Timor-Leste di’ak ona, falta de’it mak Tribunal Supremu.

“Importante la bele iha intervensaun polítika ba setór justisa hodi bele garante duni justisa ba ema hotu hanesan,” hateten Angelita Pires.

Jornalista : Domingos Piedade Freitas

Editór        : Francisco Simões

 

HAKEREK NO HATÁN

Please enter your comment!
Please enter your name here