Komandante PNTL Munisípiu Dili, Superintendente Xefe Armando Monteiro. Imajen/TATOLI

DILI, 02 outubru 2019 (TATOLI)-Komandante Polisia Nasionál Timor-Leste Munisípiu Dili, Superintendente Xefe Armando Monteiro, garante seguransa ba negosiante Indonézia iha Kampung Alor ne’ebé, ohin, muda ona ba fatin foun iha Golgota, Comoro, Dili.

Notísia Relevante: Aban, Negosiante Kampung Alor Hamamuk Ona Fatin

Komandante Armando Monteiro hato’o lia hirak ne’e diretamente ba  negosiante  Kampung  Alor  iha Sede Suku Kampung Alor molok hamutuk ho ekipa jestaun Munisípiu Dili, Servisu Migrasaun, Ministériu  Turizmu, Komérsiu  no Indústria (MTCI-sigla portugés) muda sai negosiante sira husi Kampung Alor ne’ebé sira okupa dezde tinan 2000 to’o ohin loron.

“Komandu Munisípiu Dili sei garante seguransa ba sidadaun ne’ebé de’it  tantu husi estranjeiru no rai laran husi fatin ida ba fatin seluk atu hala’o atividade negósiu saida  de’it ho hakmatek,” afirma  Superintendente Xefe Armando Monteiro.

Notísia Relevante:Sahat Sitorus : Negosiante Indonéziu iha Kampung Alor Presiza Trata ho Dignu

Negosiante tenke kontribui hodi hamamuk ona fatin refere tuir desizaun governu hahú loron 02 to’o 09 Outubru 2019 hodi muda ona ba fatin foun iha Golgota.

Notísia Relevante:Membru PN Husu Vendedór Kampung Alor Koopera ho Órden Governu

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here