Adjuntu Komisariu KAK, Luis de Oliveira Samapio. Imajen/Xisto Freitas

DILI, 02 outubru 2019 (TATOLI) – Diskusaun no aprovasaun Lei Anti Korrupsaun ne’ebé kontinua adia husi Parlamentu Nasionál  hamosu deskonfiansa no perspetiva negativa ba seriedade órgaun Estadu nian atu kombate korrupsaun iha rai laran.

Notísia Relevante : Tempu Badak, PN Aprova Lei Anti Korrupsaun

Balun konsidera Deputadu sira ne’ebé povu hili ba reprezenta povu iha Uma Fukun “laiha sentidu” atu kombate korrupsaun iha rai laran no seluk fali konsidera PN la tau interese nasionál, mas tau prioridade liu ba interese grupu no partidu polítiku nian.

Kona-ba perspetiva sira ne’e, Adjuntu Komisáriu Anti Korrupsaun (CAC-sigla portugés) ba Asuntu Prevensaun no Sensibilizasaun, Luis Oliveira Sampaio, hateten, ema hotu iha ninia hanoin, maibé tuir KAK nia haree mak Parlamentu Nasional (PN) la hatudu pasu pozitivu hodi tulun hametin serbisu KAK nian.

Notísia Relevante : Presiza Aselera Lei Anti Korrupsaun

“Parlamentu Nasional la iha obrigasaun tuir lei atu fó hatene razaun tamba saida mak adia diskusaun Lei Anti Korrupsaun ba tinan oin. Ha’u lahatene ketak karik iha ajenda prioridade seluk, maibé husi ida nee, la hatudu sinál pozitivu hodi hametin serbisu KAK,” hateten Adjuntu Komisáriu KAK, Luis Oliveira Sampaio,   ba Ajénsia TATOLI, ohin, liu husi komunikasaun telefónika.

Nia konsidera Parlamentu Nasional hatudu impresaun katak lidun iha vontade polítika ajuda no hametin serbisu KAK tanba  KAK presiza lei ida ne’ebé mak forte no presiza tebes kondisaun ho forsa polítika atu ajuda serbisu KAK.

Jornalista : Domingos Piedade Freitas

Editór       : Francisco Simões

 

HAKEREK NO HATÁN

Please enter your comment!
Please enter your name here