Merkadu Roupa Obralan Ai-mutin, Dili. Imajen/Osória Marques

DILI, 02 outubru 2019 (TATOLI)- Jestaun Merkadu Munisípiu Dili sei muda  negosiante roupa uzadu (obralan) iha Ai-mutin ba Merkadu Manleuana Dili.

Notísia Relevante: Negosiante Obralan Ai-mutin Sei Hamamuk Fatin

“Ami koordena ona ho koordenadór merkadu, Xefe Suku no Aldeia atu oinsá bele identifika fatin mamuk ida hodi bele muda negosiante Ai-mutin,” informa Xefe Departamentu Jestaun Merkadoria Munisípiu  Dili, Berta Santa, ohin, ba Ajénsia TATOLI iha Kampu Alor, Dili.

Tuir loloos ekipa Jestaun  Merkadu Dili ho PNTL muda ona negosiante Ai-mutin tuir oráriu ne’ebé fó sai ona katak hamamuk ona fatin ne’ebá  durante   semana kotuk,  maibé la konsege ezekuta  tanba sei konsentra uluk   ho negosiante Kamp Alor hodi muda ba Golgota, Comoro.

Notísia Relevante: Vendedores Ai-mutin Sei La Hamamuk Area Fa’an Obralan

Negosiante roupa obralan Ai-mutin purvolta  na’in 204 sei muda hotu ba Merkadu Manleuana tanba  sei iha fatin atu akumula sira.

Bainhira negosiante sira la koopera, Berta Santa hateten, Munisípiu Dili sei aplika dekretu lei númeru 33 hodi muda obrigatóriu.

Jornalista : Osório Marques

Editór       : Francisco Simões

HAKEREK NO HATÁN

Please enter your comment!
Please enter your name here