Sekretáriu Estadu Kooperativa, Arsénio Pereira da Silva. Imajen/Tatoli.

DILI, 02 outubru 2019 (TATOLI) – Governu liuhosi Sekretáriu Estadu Kooperativa (SEKoop) iha outubru ne’e, sei halo lansamentu ba kolleita nasionál ba sorghum ka batar Kay Rala kuaze ektare 40-resin iha Munisipiu Likisá, Suku Gisu.

“Ami agora daudaun iha ona faze preparasaun no iha fulan ida ne’e nia laran, ami sei halo lansamentu ba kolleita nasionál sorghum ka batar Kay Rala iha Munisípiu Likisá hamutuk etare 40-resin”, SEKoop Arsénio Pereira informa ba jornalista sira iha nia knaar fatin Bebora, ohin.

Nia dehan, ekipa SEKoop agora halo hela esforsu, tanba lansamentu nasionál ba koilleta batar ka sorghum Kay Rala ne’e sei halo kedan prosesamentu no kuda fali nia fini.

“Hafoin halo lansamentu kollieta nasionál ba batar Kay Rala, ami mós sei halo kedan prosesamentu ba sorghum, tanba ne’e ami-nia ekipa halo hela preparasaun hodi monta mákina ba prosesamentu nian iha ne’ebá no mós kuda filafali sorghum”, hateten Arsénio Pereira.

Governante ne’e salienta katak lansamentu ba koilleta nasionál sorghum sei hala’o iha 16 outubru ne’ebé relasiona ho loron mudiál ai-han.

Partisipa iha serimónia lansamentu nasionál ba sorghum Kay Rala, tuir planu sei konvida autoridade lokál Suku Gisu, Administradór Postu, Administradór Munisípiu Likisá rasik no sei konvida mós entidade importante sira nasaun nian, inklui parseiru dezenvolvimentu sira.

Jornalista : Natalino Costa

Editora : Maria Auxiliadora 

1 KOMENTÁRIU

  1. Koileta batar ne diak, maibe tenki halo peskiza Ida katak, komunidade municipiu, hira mak sei Konsumi batar, durante Indonesia Nia tempu maioria populsaun muda ona ai Han husi batar ba Konsumi fo’os.

HAKEREK NO HATÁN

Please enter your comment!
Please enter your name here