Prezidente Parlamentu Nasionál, Arão Noé de Jesus da Costa Amaral. Imajen Tatoli/António Gonçalves

DILI, 2 setembru 2019 (TATOLI)—Prezidente Parlamentu Nasionál, Arão Noé de Jesus da Costa Amaral, hateten aban líder bankada sira diskute lejizlasaun rua ne’ebé Prezidente Repúblika, Francisco Guterres Lú Olo veta.

Lejizlasaun rua ne’e mak Lei Fundu Petrolíferu (LFP) no Lei Atividade Petrolífera (LAP).

Lejizlasaun rua ne’e Xefe Estadu veta hafoin Tribunál Rekursu deklara artigu balun hosi lejizlasaun rua ne’e inkonstitusionál.

“Iha ona ajenda atu lori ba reuniaun líder bankada, aban, atu haree ba kontestu ida ne’e. Se konsidera, semana oin bele tama ajenda apresiasaun ba lejizlasaun rua ne’ebé Prezidente Repúblika veta”, Arão Noé informa ba jornalista sira, iha Parlamentu Nasionál, kuarta ne’e.

Lee mós: Prezidente Republika Veta Dekretu PN

Prezidente Parlamentu Nasionál ne’e esplika, iha dalan rua, bele konfirmasaun no bele halo alterasaun, depende ba desizaun plenária.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here