Estudante sira hamarik formatura hodi simu vizita Prezidente Republika, Francisco Guterres Lú Olo ba Eskola Sekundária Jerál Públiku (ESJP) Seran-Kotek, Munisípiu Covalima, Kinta (27/06/2019). Imajen/Eugénio Pereira

COVALIMA, 01 outubru 2019 (TATOLI)-Diretór Servisu Munisipál Edukasaun Covalima, Edmundu Ferreira hateten, tuir nia observasaun katak mudansa sistema formasaun ba profesór sira difikulta profesór sira atu dinamiza atividade letiva ho língua portugeza hamutuk ho estudante sira.

Diretór Servisu Edukasaun Munisipál Covalima, Edmundo Ferreira. Foto TATOLI: Eugénio Pereira

“Formasaun kuandu hahú iha 2000 to’o 2007  la´o kapás tebes, profesór sira barak mak konsege hanorin portugés ho di´ak loos labarik estudante sira husi primeiru no segundu inklui la hetan difikuldade kuandu hakat ona ba terseiru siklu no sekundáriu,” hateten Diretor Edmundo Ferreira ba jornalista Ajénsia TATOLI iha ninia gabinete Ministeriu Edukasaun Suai Vila, tersa (01/10/2019).

Diretór ne´e hatutan: “Ha’u hakarak dehan observasaun kona-ba formasaun ne’e mak diferensa ona. Iha governu anteriór ezije duni profesór tenke hatene portugés.

Maibé,  agora profesór sira la fokus tanba formasaun ne’e junta ho siénsia. Ne’e duni formasaun ne’e baralla ona sira-nia konsentrasaun”.

Ezekutivu ne´e konsidera ensinu aprendizajen iha Covalima seidauk másimu tanba fatór língua. Tanba ne´e, ho esforsu Ministra Edukasaun, Juventude no Desportu (MEJD), Dulce de Jesus Soares hodi realiza akordu ho Governu Portugal atu kontinua formasaun iha Timor-Leste liuhusi programa Pro Portugés, espera bele kontinua loke dalan ba Profesór sira atu hetan formasaun di´ak liután.

Notísia relevante:MEJD Prevee 14 Millaun Realiza Formasaun Portugés Ba Profesór Sira

Infraestrutura Bázika Sai Problema Ba Estudante Covalima

MEJD Prioritiza Infraestrutura no Jestaun Eskolár iha OJE 2020

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here