Xefe Suku Comoro, Eurico da Costa.

DILI, 30 setembru 2019 (TATOLI) – Xefe Suku Comoro, Eurico da Costa de Jesus, hateten, rai Tasi-tolu maiór parte rai estadu nian.

Notísia Relevante : Governu Sei Foti Medida ba Okupante Rai Estadu iha Lagoa Tasi Tolu

Rai iha area Tasi-tolu, Xefe Suku Eurico da Costa, esklarese, iha kategoria rua mak kontrolu ba fatin turístiku no halo Otél Pelican Paradise no  kona-ba fatin turístiku Governu iha ona planu atu tau orsamentu ba iha Lagoa 1,2,3 inklui mós Estátua Joao Paulo II no uma Tradisionál  Tasi-tolu.

“Rai Tasi-tolu estadu nian hotu, rai privadu balun mak iha parte terminal Tasi-tolu nian,” informa Eurico da Costa, hodi responde Ajénsia TATOLI, sesta, foin lalais ne’e, hafoin partisipa konferénsia imprensa hamutuk ho negosiante Ai-mutin, iha Ai-mutin, Comoro, Dili.

Nia autoriza komunidade bele hela area sira refere, maibé temporariamante de’it, tamba rai sira refere pertensia ba estadu nian.

Iha biban seluk, Sekretáriu Estadu Terra no Propriedade (SEPT), Mário Ximenes, esplika, kona-ba okupa rai Tasi-tolu, ema halo uma husi VI too VII Governu, agora iha polítika mak halo intervensaun.

“Ami orienta kedas atu lalika konstrui ka hela fatin ruma iha espasu ne’ebé mak mamuk, depois iha ami nia mandatu mak konstroi mak ami sei sobu, nee laiha toleránsia” afirma Mário Ximenes,

Nia hatutan, povu mós konsiente katak rai estadu nian no dezenvolvimentu atu tama ba halo uma iha ne’ebá, sein iha autorizasaun DNTP no kuandu halo nafatin mak sei halo intervensaun.

Kona-ba hasai komunidade sira husi rai Tasi-tolu presiza indemnizasaun, nia esplika, indemnizasaun ba sira ne’ebé mak rejistu ona no toma ona sistema mak SETP toma konsiderasaun.

Nia husu husu ba okupante sira lalika halo alargamentu rai tuir ida-idak ninia hakarak, maibé di’ak liu tenke toma konsiderasaun ba malu atu lalika hamosu konfuzaun oi-oin.

Jornalista       : Domingos Piedade Freitas

Editór              : Francisco Simões

HAKEREK NO HATÁN

Please enter your comment!
Please enter your name here