DILI, 30 setembru 2019 (TATOLI) – Diretora Nasionál Veterinária Ministériu Agrikultura no Peska (MAP), Joanita Bendita da Costa, informa to’o agora MAP kontinua vasina komunidade nia animál, hodi prevene moras sira.
“Ami kontinua fó tratamentu ba komunidade nian animál sira, nune’e bele hetan isin di’ak no livre husi moras sira”, dehan nia ba jornalista sira iha nia knaar fatin MAP, Komoro, ohin.
Relasiona ho virus African Swine Fever (ASF) ka Peste Suína Afrikana (PSA), ninia parte relata ona ba organizasaun mundiál ba saúde animál, atu hetan tulun iha sosializasaun. Alende ne’e, nia akresenta parte MAP halo hela esforsu hodi sosializa virus ne’e, parte ida hosi prevensaun.
Peste Suína Afrikana ne’ebé daudaun ne’e la’o hodi hamate ona fahi komunidade nian hamutuk 400, ida ne’e husi Diresaun Veterinária la fó tratamentu, halo de’it sosializasaun ba komunidade tanba ai-moruk ba virus ne’e laiha.
Nia hatete Diresaun Nasionál Veterinária kontinua halo vasina hodi prevene virus ida classical swine fever (kólera).
Notísia relevante : MAP Husu Komunidade Labele Konsome Na’an Fahi Arbiru
Jornalista : Natalino Costa
Editora : Maria Auxiliadora
Direitora kolia kapas tebes, maibe falta de kontrolo ba pesoal sira ne’ebe destaka iha suco tamba komunidade nia animal nunka halo vasina.
Persija tun mai to’o suco hodi husu direita ba komunidade sira konaba pessoal sira ne’e vasina duni komunidade nia animal ga lae???
Labele tur deit iha kantor.
Fahi barak mak mate Iha parteHera. Husu ba MAP atu interven Iha grepe Ida neee