Sekretáriu Jerál LFA, Alexandre Vong (karuk), akompaña husi Diretór Verifikasaun no Lisensa LFA, José Carvalho (loos) halo konferénsia imprensa. Imajen Tatoli: Hortencio Sanchez

DILI, 29 setembru 2019 (TATOLI) – Sekretáriu Jerál Liga Futeból Amadora ( LFA), Alexandre ‘Lexy’ Vong informa, tempu besik, membru Asian Football Confederation (AFC) sei to’o Timor-Leste hodi haree lala’ok Liga ne’e.

“Ita sei hein péritu hosi Asian Football Confederation nian sei to’o mai. Tanba, ita husu ona pedidu apoiu ba sira para oinsá bele haree Liga Futeból Amadora. Primeiru, atu hasa’e Liga nia nível. Segundu, atu haree oinsá lala’ok Liga haat liu ona ne’e no ida atu mai ne’e oinsá mak di’ak liután,” dehan Lexy iha Estádiu Munisipál Dili, ohin.

Nia dehan, bazeia ba kritéria hosi AFC, atu hasa’e nível Liga nian, klube sira iha Timor-Leste tenke iha lisensa hosi AFC.

Tanba ne’e, Lexy tenik, LFA serbisu hamutuk ho Federasaun Futeból Timor-Leste (FFTL) hodi prosesa ona klube rua nia dokumentu hodi bele hetan lalais lisensa hosi AFC. Klube rua ne’e mak Boavista FC Timor no Lalenok United FC.

Entretantu, membru sira hosi AFC sei to’o Timor-Leste iha outubru tinan ne’e.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here