DILI, 29 setembru 2019 (TATOLI) – Jornada Liga Futeból Amadora (LFA) époka 2019 taka ona, ohin, iha Estádiu Munisipál Dili. Ekipa zigante rua, Karketu Dili FC no Boavista FC Timor, mak taka odamatan.
Iha jogu refere, ekipa ne’ebé idéntiku ho Matak Malirin ne’e, Karketu Dili FC, repete hikas ninia istória. Basá, dezde LFA eziste, Karketu sempre manán Boavista FC Timor iha jogu-jogu ikus.
Golu vitória Karketu marka hosi jogadór Domingos Freitas iha minutu 47, 75. Enkuantu, golu úniku Boavista marka hosi jogadór Nataniel Reis iha minutu 65.
Entretantu, fó hanoin fali, kampiaun ba Primeira Divizaun LFA époka 2019 monu ba armada Lalenok United FC nia liman.
Jornalista: Hortencio Sanchez
Editór: Xisto Freitas
