Kontra-atake entre jogadór Atlético Ultramar no AS Ponta Leste. Imajen Mídia LFA

DILI, 27 setembru 2019 (TATOLI) – Klube estimadu Munisípiu Manatuto, Atlético Ultramar, sofre golu haat hosi armada AS Ponta Leste iha jogu últimu Primeira Divizaun Liga Futeból Amadora (LFA) époka 2019 ne’ebé hala’o iha Estádiu Munisipál Dili, sesta ne’e.

Hosi derrota ne’ebé ekipa idéntiku “Balisaun” ne’e hetan lori kedas ekipa refere dezpromovidu ba Segunda Divizaun hamutuk ho Académica FC. Enkuantu, Ponta Leste hakmatek iha zona seguru.

Golu vitória Ponta Leste prodúz hosi jogadór Veh Donald iha minutu 53, auto golu Ultramar hosi jogadór Januario Pinto 56, Anizio Correia 75, Daniel Donkor 80 no golu úniku Ultramar marka hosi Juanda Priatna iha minutu 89.

Jogu refere dirije hosi árbitru Nívio Fernandes, juiz liña Filomeno Soares, Cristóvão Alves no árbitru rezerva, Francisco Fátima.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here