Komandante Jerál PNTL, Faustino da Costa. Imajen Tatoli/Cipriano Colo

DILI, 27 setembru 2019 (TATOLI) – Komandante Jerál Polísia Nasionál Timor-Leste (PNTL), Faustino da Costa, hateten parte justisa mak bele foti desizaun ba kazu ne’ebé akontese Iha Ai-mutin, Dili, foin lalais ne’e.

Hafoin enkontru semanál ho Prezidente Repúblika (PR), Francisco Guterres Lú Olo, Faustino informa katak durante enkontru diskute kona-ba kazu sira ne’ebé akontese iha Dili laran, liliu kazu Ai-mutin ne’ebé akontese iha loron 23 fulan ne’e, iha ne’ebé rezulta joven ida hakotu iis.

Nune’e, nia dehan, kazu ne’e entrega ona ba parte justisa atu bele foti desizaun ikus, tanba Polísia hanesan ajudante.

Atu prevene akontesimentu hanesan labele akontese tan iha futuru, Faustino tenik, parte hotu presiza atu tau-matan hamutuk la’ós Polísia mesak.

“Ho ida ne’e, Prezidente Repúblika husu atu Polísia kontinua hala’o kna’ar ho responsabilidade no profisionál, bazeia ba lei no órden ne’ebé iha”, nia haklaken iha Palásiu Prezidente Nicolau Lobato, Bairru Pité, ohin.

Kona-ba vizilánsia iha terrenu, Faustino subliña katak parte Polísia kontinua vizilante hodi asegura povu, tanba povu persiza moris hakmatek.

Jornalista: Cipriano Colo

Editór: Xisto Freitas

HAKEREK NO HATÁN

Please enter your comment!
Please enter your name here