Ministru Estadu Prezidénsia Konsellu Ministru, Hermenegildo Augusto Cabral Pereira. Imajen Tatoli/Egas Cristóvão.

DILI, 27 setembru 2019 (TATOLI) – Liuhosi reuniaun Konsellu Ministru (KM) estraordinária, ohin, halo ona apresiasaun dahuluk ba servisu Komité Revizaun Orsamentu Polítika (KROP) ba Orsamentu Jerál Estadu (OJE) 2020.

Iha diskusaun, KM fó fali kompeténsia ba Ministériu Finansa no ekipa téknika sira hodi prepara projetu proposta ba OJE 2020 ne’e rasik.

“Ohin realiza reuniaun konsellu estraordinária tanba Komité Revizaun Orsamentu Polítika ba Orsamentu Jerál Estadu 2020 halo servisu hotu ona no submete ba Konsellu Ministru no halo primeiru apresiasaun rezultadu serbisu KROP nian”, hateten Ministru Estadu Prezidénsia Konsellu Ministru, Hermenegildo Augusto Cabral Pereira iha Palásiu Governu, ohin.

Governante ne’e hatutan, KM haree detallu ona ba númeru sira ne’e no konklui ona, no sei realiza hikas KM estraordinária iha kuarta (02/10/) hodi aprova OJE 2020 nian.

Notísia relevante : MF Sei Tetu no Avalia Kustu Adisionál Millaun $750

Jornalista : Antónia Gusmão

Editora : Maria Auxiliadora

HAKEREK NO HATÁN

Please enter your comment!
Please enter your name here