Assesor Sosiu Kultural MRLAP, Josh Trindade. Imajen/Nelson de Sousa

ALAS, 27 setembru 2019 (TATOLI)-Asesór Sósiu Kultura husi Ministériu Reforma Lejizlativa no Asuntu Parlamentár, Josh Trindade hatete, rezultadu konsultasaun públika ne’ebé hala’o ona ho lia na’in no autoridade lokál sira deskobre katak, justisa tradisionál no kostumeiru iha kbiit fíziku no rituál atu  fó justisa ba povu.

Notísia Relevante : MRLAP Kontinua Halo Konsulta Públiku Kona-ba Lei Kostumeiru ho Justisa Tradisionál

“Atividade konsulta públiku  to’o ohin ba dala 11 ona  ho étniku  sira hanesan Mambae, Tokodede, Bunak, Kemak no Tetun Terik. Ami deskobre  buat ne’ebé importante   tesi lia iha justisa tradisionál iha aspetu rua, da-uluk  mak  sansaun  fíziku no da-rua mak sansaun rituál,” informa  Josh Trindade halo konsulta públika ho Lia Na’in no Autoridade Lokál iha Postu Administrativu Alas, ohin, kona-ba lei justisa tradisionál no kostumeiru.

Nia esklarese tan, sansaun fíziku maka oinsá fó multa ba sidadaun ida bainhira kontra bandu regulamentu sira ne’ebé estabelese iha suku laran. Enkuantu, sansaun rituál hamulak ba natureza no lisan sira hodi fó malisan bainhira sidadaun ida kontra bandu.

Konsultasaun públika ne’e hodi tulun MRLAP  halibur dadus hotu kona-ba justisa tradisionál no kostume timoroan nian husi étniku hotu  hodi prodús ba lei.

Jornalista : Nelson de Sousa

Editór       : Francisco Simões

 

HAKEREK NO HATÁN

Please enter your comment!
Please enter your name here