Ministru Estadu Prezidénsia Konsellu Ministru, Hermenegildo Augusto Cabral Pereira. Imajen dok.TATOLI

DILI, 27 setembru 2019 (TATOLI) – Reuniaun Konsellu Ministru estraordinária, ohin, diskute dekretu Governu ida hodi deside iha loron 3 no 4 outubru tinan ne’e, sei realiza konferénsia internasionál kona-ba esplorasaun petrolífera iha Timor-Leste.

“Ohin reuniaun konsellu ministru estraordinária hodi ko’alia kona-ba dekretu Governu katak iha loron 3-4 outubru 2019 sei iha konferénsia internasionál kona-ba esplorasaun petrolífera iha ita-nia rain, ne’ebé sei envolve hosi kompañia internasionál sira”, hateten Ministru Estadu Prezidénsia Konsellu Ministru, Hermenegildo Augusto Cabral Pereira “Agio Pereira”, iha Palásiu Governu.

Ministru Agio hatutan hosi konferénsia ne’e sei hahú buat ne’ebé bolu naran kontratasaun kompañia sira ne’ebé halo esplorasaun petrolífera iha ita-nia rain.

“Tan ne’e presiza dekretu Governu ne’e hodi formaliza dadus legál ne’ebé ita presiza depois dekretu publikadu tiha hotu sei iha rezolusaun ne’ebé loke dalan ba Ministériu Petróleu no Minerál nian fó kna’ar ba Autoridade Nasionál Petróleu no Minerál (ANPM) hodi avansa prosesu ne’e hodi konferénsia iha loron rua ne’e la’o di’ak ho baze legál”, katak Agio.

Jornalista : Antónia Gusmão

Editora : Maria Auxiliadora

1 KOMENTÁRIU

Leave a Reply to Januario soares Cancel reply

Please enter your comment!
Please enter your name here