Federasaun Nasionál Basketból Timor-Leste. Imajen/Hortençio Sanchez

DILI, 27 setembru 2019 (TATOLI) – Federasaun Nasionál Basketból Timor-Leste (FNBTL) liuhosi estrutura atuál desidi realiza kongresu nasionál iha 30 novembru hodi hili estrutura foun.

Vise-Prezidente FNBTL, João Coimbra, husu ba asosiasaun no amante basketból Timor-Leste hotu atu partisipa másimu iha kongresu refere.

“Federasaun mai ho biban ida ne’e, husu ba asosiasaun sira hotu atu prepara-aan ona ho mínimu rekezitu nune’e bele submete ona mai federasaun no bele rejistu atu sai membru hodi partesipa iha kongresu ne’e”, dehan João Coimbra liuhosi konfénsia imprensa ne’ebé hala’o iha Jináziu Dili,sesta ne’e.

Nune’e, nia husu ba oin asosiasaun hotu tenke hakbesik-aan ba FNBTL atu haree kritéria no priense rekezitus ne’ebé iha.

Haree ba munisípiu maioria seidauk iha asosiasaun, nune’e mak federasaun anunsia ba públiku liliu munisípiu sira hodi bele hakbesik-aan ba FNBTL hodi hetan informasaun klaru.

Entretantu, kongresu ne’e hala’o ba faze da-ruak ninian.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here