Estudante sira hamarik formatura hodi simu vizita Prezidente Republika, Francisco Guterres Lú Olo ba Eskola Sekundária Jerál Públiku (ESJP) Seran-Kotek, Munisípiu Covalima, Kinta (27/06/2019). Imajen/Eugénio Pereira

DILI, 27 setembru 2019 (TATOLI) – Konsellu Profesór Eskola Ensinu Báziku Sentrál- Sergio Viera de Mello (EBC-SVM), Becora, introdús pontus ezame nasionál ba estudante finalista sira ne´ebé mak sei tuir ezame nasionál iha 14 outubru, hodi apoiu estudante sira oinsá bele iha koñesementu no vizaun kona-ba matriks ka giaun ezame nasionál nian.

“Ita halo daudaun ona elobrasaun ba estudante sira atu nune’e kuandu hasoru matéria ezame nasionál fulan oin mai, sira bele iha ona vizaun katak perguntas ida  ne’e ninia rezultadu ka reposta hanesan ne’e,” informa Diretór Manuel Pinto ba jornalista Ajénsia TATOLI iha ninia kna’ar fatin Eskola EBC- SVM, Becora, sesta (27/09/2019).

Diretór ne´e hateten, matéria ezame nasionál ne’e ninia modelu eskolla multipla (pilihan ganda). Ne’e duni, husi ezame primeiru no segundu periudu ne’e eskola la uza ona essay test maibé ho multipla.

“Ami halo ho ezame eskolla multipla. Ami prepara kedan ona folla resposta ho modelu ezame nasionál nian atu estudante sira bele hatoman aan kedan molok hasoru ezame nasional”.

Elaborasaun pontu referénsia kona-ba ezame nasionál ne’e, tuir Diretór Manuel Pinto katak atu koko daudaun ona kapasidade estudante finalista sira nia  em termos de dezenvolvimentu iha siénsia sosiál no ezata.

“Ne’e duni husi rejultadu elaborasaun pontus refénsia ne’e estudante sira hatudu ninia rejultadu di´ak signifika sira preparadu ona atu tuir ezame nasionál iha fulan outubru agora” konsidera profesór ne´e.

 Jornalista : Tomé Amado

Editór      : Rafy Belo

HAKEREK NO HATÁN

Please enter your comment!
Please enter your name here