iklan

EKONOMIA, HEADLINE

Timor-Leste Seidauk Promove Destinu Turístiku

Timor-Leste Seidauk Promove Destinu Turístiku

Diretór Jerál Turizmu, José Filipe Dias Quintas. Imajen/Tatoli Egas Cristovao

DILI, 26 setembru 2019 (TATOLI) – Timor-Leste seidauk promove destinu turístiku tanba infraestrutura no atendimentu seidauk preparadu hanesan Bali ho Austrália.

Diretór Jerál Turizmu, José Filipe Dias Quintas, ba Ajénsia Tatoli, ohin, iha Sentru Konvensaun Dili (CCD-sigla portugés) katak maski Timor-Leste seidauk promove destinu turístiku, maibé importante maka promove nasaun nia imajen.

“Importante maka ita promove Timor-Leste nia imajen, destinu turístiku ida seguru no hakmatek”, katak.

José Quintas hatutan Governu seidauk investe iha promosaun tanba seidauk prepara didi’ak, se kontinua promove maibé uma laran seidauk prontu iha infraestrutura no atendimentu, entaun bele estraga fali imajen.

Entantu atu halo promosaun mós tenke haree ba eventu sira, ezemplu, Timor-Leste partisipa iha Asembleia Jerál Organizasaun Mundiál Turizmu, ida ne’e importante tanba prezensa nu’udar membru.

Tanba ne’e iha 2020, Governu aposta ona orsamentu ba planu mestre, pozisaun Governu nian maka investe ba turizmu tanba turizmu maka sai pilár importante ba VIII Governu Konstitusionál.

Jornalista : Zezito Silva

Editora : Maria Auxiliadora

iklan
iklan

Leave a Reply

iklan
error: Content is protected !!