Sekretáriu Estadu Terras no Propriedades Mário Ximenes. Imajen António Goncalves.

DILI, 26 setembru 2019 (TATOLI) – Sekretáriu Estadu Terra no Propriedade (SETP), Mário Ximenes, hatete seidauk iha evidénsia ruma kona-ba mafiozu iha Diresaun Nasionál Terra no Propriedade (DNTP), maibé nu’udar direjente la tolera aktu ne’e.

Nia dehan kestaun ne’ebé mak hato’o hosi Ministériu Justisa, Manuel Carceres da Costa, ba kazu rai Kaitehu, ninia parte seidauk iha dadus konkreta.

Disputa Rai Kaitehu, MJ Promete Sobu “Mafia” Justisa

“Se mafiozu iha justisa nia laran, Ministru Justisa bele hato’o, hasai, ha’u prontu fó apoiu atu halakon mafiozu ne’e, tanba ne’e ha’u labele dehan iha ka laiha, ha’u tenta atu buka tuir”, tenik nia ba Tatoli, iha nia kna’ar fatin Mandarin, ohin.

Kestaun seluk ne’ebé mak hato’o husi advogadu privadu Marino Enterprise, advogadu Pedro Aparicio, nia dehan hirak ne’e kestaun téknika.

“Keta sira mak iha ligasaun ba malu karik, entre sira mak hatene, agora provizóriu ha’u seidauk hatene situasaun ne’e, maibé kestaun ne’e hanesan informasaun inisiu ba ami atu buka tuir”, afirma nia.

Hetan Juis Simu Subornu, Hato’o Keixa ba KSMJ

Jornalista: Domingos Piedade Freitas

Editora: Rita Almeida

HAKEREK NO HATÁN

Please enter your comment!
Please enter your name here