Prezidente Parlamentu Nasionál, Arão Noé de Jesus da Costa Amaral. Imajen Tatoli/António Gonçalves

DILI, 26 setembru 2019 (TATOLI) – Prezidente Parlamentu Nasionál (PPN), Arão Noé de Jesus da Costa Amaral, esplika prosesu ezekusaun orsamentu jerál Estadu (OJE) ne’e másimu bainhira tama ona ba trimestre datoluk to’o trimestre dahaat tanba pagamentu ba kompañia sira akontese iha rohan hosi tinan.

Nia garante katak ezekusaun orsamentu ba tinan ida ne’e sei la’o di’ak maski neneik, tanba prosesu ezekusaun la’ós sai hanesan fatór determinante ba orsamentu.

“Se ita duni de’it mak ezekusaun, ne’e fásil. Ne’e ita foti de’it osan depois gasta, hotu ona. Maibé, ita presiza gasta ho kualidade. Gasta ho objetivu ida. Ha’u hanoin komunidade hakarak gastu ne’e iha duni objetivu. La’ós haree ba persentajen tanba persentajen ne’e ema bele ba iha komputadór muda de’it loos ona,” tenik Arão iha Parlamentu Nasionál, ohin.

Nia konsidera katak ezekusaun tarde ne’e mai mós hosi Governu ne’ebé inkompletu. Ministériu sira ne’ebé Ministru laiha, fatór ida mós ba ezekusaun orsamentu.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here