Daniel Adadi. Imajen Mídia LFA

DILI, 26 setembru 2019 (TATOLI) – Jogadór nasionalidade Gana ne’ebé daudaun ne’e joga hela iha Assalam FC, Daniel Adadi, iha posibilidade sai hanesan mellór markadór Liga Futeból Amadora (LFA) 2019.

Avansadu Assalam ne’e, kandidatu forte ba mellór markadór tanba hosi jogu dala sanulu resin-haat konsege marka ona golu 12. Entretantu, Rafael Marti, avansadu Boavista marka golu 10 maibé sei hela jogu dala ida.

Aleinde ne’e, iha mós avansadu Lalenok United FC, Fábio Christian Cotinho golu 9 no jogadór Edit Sávio, avansadu Boavista marka golu 9.

Tanba ne’e, époka ida ne’e jogadór hosi estranjeiru mak iha liu posibilidade atu sai mellór markadór duké jogadór timoroan sira.

Fó hanoin fali, iha époka 2018, mellór markadór monu ba jogadór estranjeiru, Fábio Christian Cotinho bainhira jogadór ne’e hamutuk ho Atlético Ultramar.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here