Ministru Reforma Lejizlativa no Asuntu Parlamentár, Fidelis Manuel Leite Magalhães. Imajen Tatoli/Egas Cristóvão

DILI, 25 setembru 2019 (TATOLI) – Primeiru Ministru (PM), Taur Matan Ruak, seidauk foti desizaun hodi nomea ema foun lidera Autoridade Rejiaun Administrativa Espesiál Oé-Cusse Ambeno (RAEOA).

Oras ne’e, Sekretáriu Rejiaun, Arsénio Paixão Bano mak lidera interinamente hahú hosi loron 1 agostu 2019 to’o loron 120 nia laran.

Lee mós: Arsénio Bano Asume Kna’ar Nu’udar Prezidente RAEOA Interinu Durante Loron 120

Ministru Reforma Lejizlativa no Asuntu Parlamentár, Fidelis Manuel Leite Magalhães, hateten asuntu ne’e só Primeiru-Ministru, Taur Matan Ruak mak bele ko’alia.

“Ne’e depois Primeiru-Ministru sei pronúnsia. Ha’u labele komenta buat ruma”, dehan nia ba jornalista sira, iha Parlamentu Nasionál, tersa ne’e.

“Diskusaun nível Konsellu Ministru mós seidauk halo. Diskusaun la’o ba mak ita pronúnsia buat ruma”, Fidelis hatutan.

Entretantu, artigu foun iha Lei RAEOA fó kompeténsia ba Xefe Governu nomea ema ruma atu lidera RAEOA no Zona Espesiál Ekonomia Sosiál Merkadu (ZEESM).

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here