Diretór Jerál Administrasaun no Finansa Ministériu Transporte no Komunikasaun (MTK), Deonísio de Araújo. Foto/Natalino Costa.

DILI, 24 setembru 2019 (TATOLI) – Orsamentu adisionál ne’ebé Ministériu Transporte no Komunikasaun (MTK) propoin iha reuniaun Komité Revizaun Orsamentu Polítika, (KROP) foin lalais ne’e, ho montante millaun $11, KROP aprova ona millaun $4.

Diretór Jerál Administrasaun no Finansa Ministériu Transporte no Komunikasaun (MTK) Deonísio de Araújo, hatete iha tetu fiskál ne’ebé atribui ba MTK MILLAUN $5,6.

“Tetu fiskál ba tinan oin ministériu hetan definitivamente millaun 5-resin, no ami propoin millaun 11 ba orsamentu adisionál ba tinan oin nian, maibé husi komisaun revizaun orsamentu polítika sira aprova ho definitiva millaun $4 orsamentu adisionál Ministériu Transporte no Komunikasaun”, dehan nia iha Kaikoli, ohin.

Deonísio de Araújo relata husi orsamentu adisionál ne’ebé KROP aprova ne’e inklui millaun $1 iha fundu transferénsia públika ba Ajénsia Nasionál Aviasaun Timor-Leste (ANATL).

Aléinde ne’e inklui mós millaun $1 iha kapitál menór, nune’e bele halo ba nesesidade planu no programa ministériu nian ba tinan oin.

Notísia relevante : MTK Husu Adisionál Millaun $11

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here