iklan

NASIONÁL, DILI

Kompañia Hein Orientasaun Governu Muda Naran Jardín Motaél

Kompañia Hein Orientasaun Governu Muda Naran Jardín Motaél

Jardín 12 Novembru, Motél, iha prosesu konstrusaun. Imajen/Osória Marques

DILI, 24 setembru 2019 (TATOLI)-Responsavel Kompañia Engineering Unipesoál Lda, Isolino da Cruz, informa, to’o oras ne’e,  Kompañia seidauk simu orientasaun husi Governu atu muda naran Jardín 12 Novembru Motaél ba Jardín Sebastião Gomes.

Notísia Relevante: Governu Deside Muda Naran Jardín “12 de Novembro Motael” ba “Sebastião Gomes”

Antes ne’e, Ministru Reforma Lejizlativa no Asuntu Parlamentár (MRLAP), Fidelis Manuel Leite Magalhães, deklara ona ba públiku kona-ba desizaun Governu nian ne’e hodi muda naran Jardín 12 Novembru Montaél ba Jardín Sebastião Gomes, hodi responde preokupasaun Komité 12 Novembru atu hatuur loloos istória.

“Se  Governu hakarak hadi’a  entaun dehan ona mai ami para bele bolu fali mákina hodi sobu no tau fali letra ne’ebé mak governu deside atu troka 12 de Novembru Motaél tanba udan mós besik ona,” hateten Isolino hodi responde Ajénsia TATOLI, ohin, iha Jardín Motaél, Dili.

Kompañia Nasionál ne’e  prontu atu ezekuta desizaun Governu liuhusi Ministériu Turizmu Komérsiu no Indústria (MTCI-sigla Portugés) atu hadi’a obra ne’e maibé governu presiza atu aumenta osan adisionál ba mudansa obra ne’e.

Jornalista : Osório Marques

Editór       : Francisco Simões

iklan
iklan

Leave a Reply

iklan
error: Content is protected !!