Mikrolete 012. Foto/Natalino Costa.

DILI, 23 setembru 2019 (TATOLI) – Xefe Departamentu Rejistu Veíkulu Diresaun Nasionál Transporte no Terrestre (DNTT) Ministériu Transporte no Komunikasaun (MTK), Nelson Martins, relata transporte públiku no privadu ne’ebé sirkula iha Dili laran hamutuk 190.403.

“Transporte privadu tantu públiku, karreta no motór ne’ebé halo operasaun ka halai iha Dili laran husi Departamentu Rejistu Veíkulu, dadus ne’ebé maka iha husi 2001 to’o agostu 2019 hamutuk 190.403”, informa nia ba Tatoli iha Balidi, ohin.

Nia dehan husi númeru viatura sira ne’ebé rejista husi 2001 to’o agostu 2019 ne’e, motorizada hamutuk 146.388 no karreta ho totál 44.015.

Xefe Departamentu ne’e salienta katak husi dadus sira ne’e, DNTT liuhusi Departamentu Rejistu no Veíkulu rejistu motorizada no karreta kompostu husi tipu oin-oin ne’ebé agora daudaun halo hela operasaun.

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here