Prezidente Repúblika, Francisco Guterres Lú Olo ho espoza no delegasaun hosi Prezidénsia Repúblika hato'o omenájen ba matebian Padre João de Deus Pires, SDB. Imajen Tatoli/Cipriano Colo

DILI, 23 setembru 2019 (TATOLI) – Prezidente Repúblika (PR), Francisco Guterres Lú Olo, presta omenájen ikus ba matebian Padre João de Deus Pires, SDB, iha Kapela Don Bosco Comoro, Dili, ohin. 

“Ha’u mai presta omenájen ikus ba matebian Padre João de Deus ne’ebé husik ona mundu. Ha’u-nia profunda sentida kondolénsia ba família matebian no mós ba família Salezianu Don Bosco”, PR Lú Olo haktuir.

Lee mós: Padre João de Deus Hakotu iis

Xefe Estadu mós informa katak Estadu Timor-Leste sei valoriza Padre João de Deus ba nia kontribuisaun luta libertasaun nasionál durante moris iha Timor-Leste.

“Aban, ha’u sei halo dekretu rekoñesimentu ba Amu João”, deklara PR Lú Olo.

Xefe Estadu hatutan, maski regra kongregasaun la autoriza mate isin hodi hakoi iha Jardim dos Herois Metinaro, maibé Estadu rekoñese nafatin matebian ho dekretu ne’ebé iha.

Durante presta omenájen, Xefe Estadu akompañadu hosi espoza Cidália Lopez Nobre Mouzinho Guterres.

Jornalista: Cipriano Colo

Editór: Xisto Freitas

HAKEREK NO HATÁN

Please enter your comment!
Please enter your name here