Prezidente Repúblika, Francisco Guterres Lú Olo. Imajen: TATOLI

DILI, 20 setembru 2019 (TATOLI) – Timor-Leste (TL) presiza nafatin solidariedade internasionál iha prosesu dezenvolvimentu.

“Ba faze luta daruak ne’e, ita konta nafatin ho solidariedade hosi ita-nia belun hori-uluk sira hosi rede internasionál ne’ebé ita hametin to’o ohin loron no mós ho kooperasaun bilaterál no multilaterál,” katak Prezidente Repúblika, Francisco Guterres Lú Olo liuhusi ninia diskursu iha Komemorasaun Tinan 20 Misaun INTERFET iha Timor-Leste, iha Paláçio do Governo, sesta ne’e.

Tuir Xefe Estadu katak presiza de’it buka dalan loloos atu hetan modelu dezenvolvimentu ida ne’ebé demokrátiku no sustentável.

“Ita identifika ona sá dezafiu mak ita iha. Ita presiza de’it buka dalan loloos atu hetan  modelu dezenvolvimentu ida ne’ebé demokrátiku no sustentável ba ita-nia sosiedade, atu bele halakon ki’ak iha ita-nia rai, iha aspetu hotu-hotu,” nia subliña.

Iha biban ne’e, Lú Olo informa, Organizasaun Nasaun Unida (ONU) mai hetan  iha Timor-Leste sosiedade ida iha situasaun  pós-konflitu, ho susar oioin, ida ne’ebé presiza hetan estabilidade polítika, halo rekuperasaun ekonómika no rekonsiliasaun.

Jornalista: Cipriano Colo

Editór: Xisto Freitas

HAKEREK NO HATÁN

Please enter your comment!
Please enter your name here