Diretór Eskola São Pedro, Comoro, Dili, Pe. Adérito M.E. Victor da Costa, SDB. Imajen/Osória Marques

DILI, 20 setembru 2019 (TATOLI)- Diretór Eskola São Pedro, Comoro, Dili, Pe. Adérito M.E. Victor da Costa, SDB, hateten, timoroan ‘merese’ fó onra no apresiasaun boot ba INTERFET tanba forsa INTERFET nia prezensa iha 20 setembru 1999, lori dame ho ksolok ba vitória timoroan nian.

Notísia Relevante : Estadu Dedika Plaka Memoriál Onra Ba INTERFET

“Ita Timoroan tenke orgullu ho prezensa INTERFET tanba bele hasai ita husi situasaun ida kritiku no nakonu ho violénsia, rankor no mós dezesperadu,” hateten Amu Adérito Victor , ba jornalista, ohin, iha ámbitu selebrasaun festa INTERFET ba dala-20 (20 setembru 1999-20 setembru 2019) iha Palásiu Governu, Dili.

Notísia Relevante : Komemora Tinan 20 Misaun INTERFET, Peter: “Ita-boot Sira Fó Inspirasaun”

Nia husu ba juventude futuru ba nasaun TL nian, liuliu estudante sira tenke haree no hateke ba istória hodi banati tuir no tane as rai doben ida ne’e ba oin.

Povu Timor-Leste, liu-liu hirak ne’ebé horik iha Dili hamutuk ho lider nasionál no bainaka internasionál, ohin, halibur malu iha resintu Palásiu Governu, hodi komemora no fó onra ba sakrifisiu hotu forsa INTERFET nian iha tinan 20 liu ba ne’ebé mai soi duni Timoroan husi tanis, mate no terus oioin.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here