Logo Sekretaria Estadu Juventude no Desportu (SEJD)

DILI, 20 setembru 2019 (TATOLI) – Diretora Nasionál Administrasaun no Finansa Sekretaria Estadu Juventude no Desportu (SEJD), Maria Luisa Monteiro, informa SEJD presiza orsamentu adisionál Millaun $3.2 tanba programa barak ne’ebé sei hala’o iha tinan 2020.

“Orsamentu ba tinan 2020 nian, SEJD husu adisionál tanba haree ba programa barak ne’ebé iha no haree ba pakote orsamentu ne’ebé iha la kobre entaun ita husu tan adisionál millaun $3.2,” tenik diretora ne’e ba Agência Tatoli iha Delta Nova, Comoro, sesta ne’e.

Nia esplika, orsamentu adisionál ne’e mai hosi kategoria haat hanesan trasferénsia públika rihun $1.7, bens serbisu rihun $290, kapitál menór rihun $249 no kapitál dezenvolvimentu hamutuk rihun $999 resin.

“Pakote orsamentu 2020 mai iha SEJD hamutuk $6. 674, 076. Orsamentu ne’e ba de’it iha saláriu vensimentu, bens serbisu no transferénsia públika maibé kapitál menór ho kapitál dezenvolvimentu laiha,” Luisa esplika.

Entretantu, ezekusaun orsamentu jerál Estadu SEJD nian oras ne’e atinje ona pusentu 73. Ezekusaun pursentu refere mai hosi área hanesan bens serbisu, saláriu vensimentu, transferénsia públika no mós kapitál dezenvolvimentu.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here