Na’in ba NUIP 5140 800 900 700 60003 mak Abílio Mário, enkuantu diretór ME, Edencio Soares, ni’an rai mak ho NUIP 5140 700 900 700 59004. Dokumentasaun Tatoli

LIKISÁ, 20 setembru 2019 (TATOLI) – Lutu ho liña polísia (police line) ne’ebé kompañia Marino Enterprise Lda (ME) taka iha área Kaitehu, adeia Mota Ikun, suku Mota Ulun, postu administrativu Bazartete, munisípu Likisá, la tuir Númeru Úniku Identifikasaun Parsela (NUIP) ne’ebé Sistema Nasionál Kadastru (SNC, sigla portugés) atribui ba ME.

Na’in ba NUIP 5140 800 900 700 60003 mak Abílio Mário, enkuantu diretór ME, Edencio Soares, ni’an rai mak ho NUIP 5140 700 900 700 59004. Dokumentasaun Tatoli

Rai ne’ebé ME sosa hosi Mário Abílio iha 29 jullu 2017 ho NUIP 5140 700 900 700 59004, enkuantu na’in ba rai ho NUIP 5140 800 900 700 60003 mak Abílio Mário (oan hosi Mário Abílio) ho estatutu rai privadu.

Entaun, lutu no liña polísia ne’ebé taka partense ba área Abílio Mário, la’ós ME nian-rai.

China Harbour Simu Ona Karta Atu Kontesta Marino Enterprise

Dokumentu ne’ebé Tatoli asesu hatudu ME rekere Abílio Mário nian rai ba tribunál. Entretantu dokumentu sosa no fa’an rai entre Mário Abílio ho diretór ME Lda, Edencio F.N.O Soares, ne’ebé halo iha 29 jullu 2017 ho NUIP mak 5140 700 900 700 59004  la’ós 5140 800 900 700 60003.

NUIP ne’ebé ME rekere ba tribunál. Dokumentasaun Tatoli

Ho situasaun ne’e, eis-Primeiru Ministru, Kay Rala Xanana Gusmão, ba jornalista sira iha Kaitehu foin lalais ne’e, husu ba tribunál atu forma ekipa ida hodi haree besik terrenu, nune’e bele halo verifikasaun ho di’ak.

Xanana “Asegura” Esplozaun Britas iha Tibar

Jornalista: Florêncio Miranda Ximenes

Editora: Rita Almeida

HAKEREK NO HATÁN

Please enter your comment!
Please enter your name here