Eis Prezidente Repúblika, José Manuel Ramos Horta. Imajen dok. TATOLI

DILI, 20 setembru 2019 (TATOLI)—Eis Prezidente Repúblika, José Manuel Ramos Horta, hateten bainhira hahú dezenvolve Greater Sunrise, investimentu boot sei akontese iha Kosta Súl ne’ebá.

Ramos Horta haree investimentu sei hahú mai hanesan Singapura, Taiwan, Austrália no Indonézia.

Nia afirma, ema balun hateten investimentu laiha ne’e tanba la akompaña, la sai hosi uma karik ka hakarak partidariza.

“Ha’u akompaña setór privadu sira ne’e hotu. Ha’u haree no hatene saida mak akontese. Ha’u fiar tinan rua ka tolu tan kuandu Greater Sunrise book-aan, investimentu boot sei akontese iha Kosta Súl. Ne’e ita-nia ekonomia sei sa’e ba pursentu 7-10 tan”, tenik nia hafoin almosu konfratenizasaun ho eis Komandante INTERFET, Peter Cosgrove, iha Sentru Konvensaun Dili (CCD-sigla portugés), sesta ne’e.

Horta esplika, Timor-Leste nia asaun iha Greater Sunrise 56,56%, seidauk sura tan na’in, tanba ne’e investimentu boot sei mosu.

Lee mós: Governu Propoin Ona Verba Sosa Asaun ConocoPhillips

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here