DILI, 20 setembru 2019 (TATOLI)– Ministru Asuntu Veteranu ho Pesoál Defeza Austrália, Darren Chester hateten katak nia prezensa iha Komemorasaun tinan 20 forsa INTERFET-Forsa Manunentasaun Pás, nu´udar momentu espesiál tebes hodi bele fila mai Timor-Leste ho veteranu barak husi Austrália.

“Momentu ida ne’e ba veteranu sira (forsa INTERFET), momentu ne’ebé sira iha emosaun barak tanba sira lembra sira-nia tempu iha ne’e (Timor-Leste),” dehan Ministru Asuntu Veteranu ho Pesoál Defeza Darren Chester, hafoin ramata almosu konfratenizasaun hamutuk ho Premiadu Novel da Paz, José Ramos ho Primeiru-Ministru, Taur Matan Ruak no mós ho veteranu INTERFET sira, iha Sentru Konvensaun Dili, (CCD-sigla portugés), ohin.

Ministru Darren Chester hateten, momentu espesial loos hodi bele selebra loron aniversáriu ba dala 20 prezensa forsa INTERFET ne’e ho Peter John Cosgrove ne’ebé iha 1999 nu´udar Komandante ba INTERFET.

“Ha´u hanoin relasaun pozitivu loos no iha otimismu no iha esperansa ba iha futuru Timor-Leste. Ne’e ha´u-nia espetativa,” tenik governante australianu ne´e.

“Ha´u mós hanoin katak, iha ligasaun barak entre veteranu sira iha Austrália no iha Timor-Leste no Timor-Leste iha tempu ne’ebé difisil, hatudu Timor-Leste nia brani, agora ita bele haree progresu ne’ebé Timor-Leste konsege iha,” nia konsidera.

Notísia relevante:Komemora Tinan 20 Misaun INTERFET, Peter: “Ita-boot Sira Fó Inspirasaun”

Jornalista : Nelia Fernandes
Editór        : Rafy Belo

HAKEREK NO HATÁN

Please enter your comment!
Please enter your name here