Ministru Ensinu Superiór, Siénsia no Kultura, Longuinhos dos Santos. Abertura Estudante Exame Acreditasi ba Univercidade Faculdade Sira nebe uluk Lahetan Acreditasi. Iha Salaun Ian Martin, Dili, Kuarta (18/09/2019).

DILI, 18 setembru 2019 (TATOLI)—Oitavu Governu Konstitusionál liuhusi Ministériu Ensinu Superior Siénsia no Kultura (MESSK) realiza ezame ekivalénsia ba graduadu na’in 65 tinan akadémiku 2009 ne’ebé sira-nia diploma la hetan legalizadu husi Ministériu Edukasaun.

Ministru Ensinu Superiór, Siénsia no Kultura, Longuinhos dos Santos. Imajen/TATOLI

Estudante graduadu sira ne’e mai husi Instituisaun Ensinu Superior Universidade Oriental (UNITAL), Universidade Dili (UNDIL) no Universidade da Paz (UNPAZ) ne’ebé mai husi área Edukasaun, Ekonomia, Siénsia Sosiál, Direitu, Agrikultura no Enjeñaria.

“Ita iha polítika ida hodi fó ezame sertifikasaun  ekivalente ba diploma atu nune’e bele hetan rekoñesimentu hodi fó kompeténsia diploma ba estudante sira ne’ebé la hetan akreditasaun iha universidade sira ne’ebé sira eskola ba,” dehan Ministru Ensinu Superior Siénsia no Kultura (MESSK), Longuinhos dos Santos, ba jornalista sira iha salaun INFORDEPE, Matadoru, Dili, kuarta (18/09/2019).

Governante ne’e hatutan, maski graduante sira ne’e hetan ona serbisu maibé problema ida mak sira-nia diploma la hetan rekoñesimentu tanba husi inísiu kuandu Instituisaun sira ne’e funsiona hodi hala’o prosesu ensinu aprendizajen ba estudante sira to’o hetan graduasaun maibé instituisaun tolu ne’e seidauk akredita.

Maski diploma ne’ebé graduante 65 ne’e, tuir Ministru Longuinhos, katak sira-nia diploma la hetan legalizasaun ka rekoñesimentu. Tanba ne’e, Oitavu Governu hakarak kontinua hadi’a desizaun governu anterior nian hodi realiza fali ezame ekivalénsia ne’e ba graduante sira atu hetan fali diploma, sertifikadu formál husi Governu.

Razaun fundamentu ba realizasaun ezame ne’e, nia haktuir, tanba atu rekoñese diploma estudante sira ne’e nian tanba sira serbisu hotu ona maibé sira-nia dokumentu la akredita no legalizadu mós sai hanesan obstákulu ida. Entaun, rekoñesimentu ne’e governu halo nu’udar kontinuasaun husi programa governu anterior nian.

Jornalista: Tomé Amado

Editór      : Rafy Belo

HAKEREK NO HATÁN

Please enter your comment!
Please enter your name here