Vise Ministru Administrasaun Estatál, Abílio José Caetano. Imajen/TATOLI

DILI, 18 setembru 2019 (TATOLI)- Vise Ministru Administrasaun Estatál (MAE),  Abílio José Caetano, informa, Governu hili ona figura foun atu substitui  kargu Administradór Postu Dom Aleixo, Munisípiu Dili.

Antes ne’e,  Administradór Postu Dom Aleixo, Munisípiu Dili, Simplício dos Santos Mendonça, maibé tanba moras nia  husik hela ona mundu ne’e, foin lalais ne’e.

Notísia Relevante: José Smith Asume Kargu Provizóriu Administradór Postu Dom Aleixo

“Iha ona kandidatu ba kargu ne’e, depois  ita sei prosesa ba komisaun Funsaun Publika (CFP-sigla Portugés),” informa Vise Ministru MAE, Abílio José Caetano,  ba Jornalista sira iha Ministériu Finansa, Dili, tersa (17/09/2019).

Governante ne’e seidauk bele públika identidade husi figura foun ne’e ba públiku tanba sei aprezenta ba Komisaun Funsaun Públika iha tempu badak.

Notísia Relevante: Administradór Dom Aleixo Foun Depende Ba Governu

Daudaun ne’e Adjuntu Munisípiu Dili, José Filipe Ximenes Smith, maka asume provizóriu kargu Administradór Postu Administrativu Dom Aleixo  hodi hein substituisaun foun husi Governu.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here