Jardín B.J. Habibie. Imajen/TATOLI

DILI, 18 setembru  2019 (TATOLI)-Maske seidauk to’o fulan ida Governu inaugura Jardín B.J Habibie, maibé asesoris  sira iha Jardín laran, hanesan lampu komesa at tanba ema deskoñesidu nia atitude.

Jardín B.J Habibie ne’e inaugura iha komemorasaun loron konsulta populár ba dala-20 (30 agostu 1999-30 agostu 2019), ne’ebé konstrui husi kompañia Bhakti  Timor Karya (BTK) liu husi orsamentu Estadu tinan fiskál 2019.

Notísia Relevante: Xefe Suku Bidau Santa-Ana husu Juventude Asegura Ponte ho Jardín Habibie

Poténsia ema irresponsabilidade sira estraga lampu iha jardín sira iha Dili laran, inklui Jardín B.J. Habibie tanba Governu la koloka  seguransa  iha jardín sira atu fó protesaun seguransa ba sasán sira ne’ebé instala iha jardín laran.

Notísia Relevante: Ponte B.J. Habibie Hateke ba Valór no Istória Atu Povu Nasaun Rua Hametin Kooperasaun

Pesoál Tékniku Kompañia BTK,  Bagas Setiawan, informa nia parte laiha koñesimentu kona-ba kazu ema deskoñesidu harahun lampu jardín refere.

“Ha’u lahatene kauza husi lampu aat tanba ohin dadeer ha’u to’o mai haree lampu rua aat ona, maibé ita mós sei iha lampu rezerva hodi bele troka,” informa   Bagas Setiawan ba Ajénsia TATOLI iha Bidau, Dili, foin lalais ne’e.

Nia hatutan, daudaun ne’e iha de’it lampu jardín rua maka identifika rahun ona,  maibé fasilidade iha kondisaun di’ak.

Notísia Relevante: Ponte B.J Habibie Nu’udar Priviléjiu Ba Indonézia

Iha Biban seluk, Xefe Suku Bidau Santa Ana, João Paulo Andrade, lakohi fó ninia opiniaun kona-ba kazu ne’e tanba jardín B.J Habibie iha responsabilidade Munisípiu Dili no Ajénsia Dezenvolvimentu Nasionál (ADN).

Notísia Relevante: Munisípiu Dili Koloka Seguransa iha Jardín B.J. Habibie

“Ha’u lakohi fó komentáriu ba Jardín B.J. Habibie tanba ADN ho Munisípiu Dili nak hatene jestaun hotu. Ha’u atu ko’alia kuandu sira fó ona podér no direitu, ita ko’alia hanesan de’it laiha valór,” hateten Xefe Suku Bidau Santa Ana.

Notísia Relevante: DNTT Sei Koordena ho Polísia Tránzitu Hodi Halo Kontrolu Iha Ponte B.J. Habibie

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here