Rebentamentu fatuk ne'ebé halo husi empreza China Harbour iha Kaitehu, Suku Mota Ulun. Foto/António Gonçalves.

Likisá, 18 jullu 2019 (TATOLI) – Empreza China Harbour halo tan rebentamentu fatuk iha área Kaitehu, Aldeia Mota ikun, Suku  Mota Ulun, Postu Administrativu Bazartete, Munisípiu Likisá, atu bá aterra iha Portu Tibar.

Ba esplozaun fatuk ne’e, China Harbour hetan ona lisensa ambientál no lisensa mineira ne’ebé mak husi parte Autoridade Nasionál Petróleu no Minerál (ANPM) fó ona, tan ne’e uzu esplozivu atu garante seguransa obra no hamenus posivel risku.

“Ida ne’e sei halo rebentamentu ba fatuk kuaze 3.500 m³ mak sei nakfera hodi suru ba esplorasaun hodi lori bá arterra iha portu Tibar”, Diretór Unidade Jestaun Portu Tibar, Rui Soares, hatete iha ámbitu halo rebetamentu fatuk daruak iha área Kaitahu, ohin.

Rui Soares salienta rebentamentu faruk ne’e atu fasilita aterra iha Portu Tibar tanba presiza fatuk barak.

“Fatuk iha área Kaitehu ne’e mak kualidade iha Timor-Leste, no sei bele fornese ba portu Tibar”, katak.

Atividade ba rebentamentu ne’e, asiste husi Sekertáriu Estadu Ambiente (SEA), Démetrio do Amaral, Diretór Unidade Jestaun Portu Tibár, Rui Soares, Reprezentante Kompañia Bolloré ka Timor Port, Rafael Ribeiro, no enjeñeiru sira husi empreza China Harbour no eis Primeiru-Ministru, Kay Rala Xanana Gusmão.

Antes ne’e, esplozaun fatuk dahuluk halo ona iha 12 jullu 2019, ne’ebé atividade ne’e lansa husi Ministru Transporte no Komunikasaun (MTK), José Agostinho da Silva, asiste mós husi membru Governu Daualuk seluk hanesan Ministru Defeza no Ministru Interiór interinu, Filomeno Paixão, Ministru Agrikultura no Peska, Joaquim José Gusmão dos Reis Martins, Sekretáriu Estadu Ambiente, Demétrio do Amaral de Carvalho no eis Prezidente Repúblika, José Ramos Horta.

Notísia relevante : China Harbour Halo Ona Rebentamentu Fatuk Dahuluk Iha Suku Mota Ulun

Jornalista: Florencio Miranda Ximenes
Editora : Maria Auxiliadora

HAKEREK NO HATÁN

Please enter your comment!
Please enter your name here