Operasaun Konjunta ne'ebé inisia husi KAK ba veíkulu Estadu ne’ebé halo movimentu iha loron ferias, Sábadu ho Domingu. Imajen/Espesiál KAK

DILI, 17 setembru 2019 (TATOLI) – Adjuntu Komisáriu Komisaun Anti Korrupsaun (CAC-sigla portugés) ba apoiu Serbisu no Kooperasaun, Alexandre F.G. Freitas, relata katak, durante ezekusaun serbisu ekipa operasaun konjunta la iha intervensaun polítika.

Notísia Relevante : Ekipa Operasaun Konjunta Ba Karreta Estadu Entrega Relatóriu ba KFP

Adjuntu Komisariu KAK, Alexandre Freitas. Imajen/Domingos Piedade

Operasaun konjunta ne’ebé envolve husi KAK, Polisia Nasional Timor-Leste, Patrimóniu Estadu, Diresaun Nasional Transporte no Terrestre (DNTT) ninia alvu serbisu mak halo operasaun ba veíkulu Estadu nian ne’ebé la’o livremente iha tempu ferias no loron sábadu ho domingu.

“Durante nee, laiha intervensaun polítika ruma iha serbisu operasaun konjunta liuliu ba operasaun karreta no motor estadu iha tempu fim da semana,” hateten Alexandre Freitas, hodi responde Ajénsia TATOLI, ohin, iha  salaun Ministériu Solidariedade, Sosiál no Inkluzaun (MSSI), CaiColi,  Dili.

Oras nee daudaun, operasaun konjunta kontinua halo avaliasaun hela ba atividade serbisu sira iha tempu liu ba, nune’e fó mós tempu ba ajente estadu sira atu halo reflesaun, atu sira mós bele muda aan.

Signifika katak buat ne’ebé mak pertense ba estadu nian nu’udar ajente estadu tenke iha konsiénsia no responsabilidade atu iha konsiénsia ne’ebé mak di’ak hodi utiliza sasán estadu tuir nia dalan, la’ós tanba operasaun konjunta hala’o serbisu mak ajente estadu sira labele utiliza karreta.

“Operasaun konjunta labele hamriik iha estrada loroloron no iha tempu fim da semana. Konsidera hanesan ita nia konsiénsia hanesan estadu iha ne’ebé, ajente estadu tenke konsiente katak aktu lori karreta ba objetivu privadu la duun di’ak,” nia hateten.

Nia afirma tan, agora operasaun konjunta halo hela avaliasaun no kuandu ajente estadu sira mak kontinua abuzu no utiliza sasán estadu mak hein fila fali husi instruktores sira hodi halo operasaun konjunta ne’ebé kontinua.

Jornalista : Domingos Piedade Freitas

Editór       : Francisco Simões

 

HAKEREK NO HATÁN

Please enter your comment!
Please enter your name here