Diretór ESJ 5 de Maio, Manuel Verdial. Foto Fontes

DILI, 17 setembru 2019 (TATOLI)-Totál Estudante Eskola Ensinu Sekundáriu Jerál (ESJ) 5 de Maio Becora ne’ebé sei partisipa iha ezame nasionál mak 712 maske nune’e iha na’in neen mak sei iha problema ho sira-nia dokumentu.

Tuir planu, posibilidade estudante sira sei uza mós korredór no espasu biblioteka eskola nian hodi partisipa iha ezame nasionál.

Diretór ESJ 5 de Maio, Manuel Verdial informa katak nia parte halo ona peskiza ba espasu eskola sira, karik iha ezame nasionál ne’e, iha limitasaun espasu ba estudante sira maka fatin sira identifikadu ne’e sei uza atu asegura, responde, estudante sira.

“Ha’u haree hotu ona fatin sira ne’e tanba ha’u lakohi labarik sira tinan tolu prepara sira-nia aan ikus prejudika fali sira-nia ezame,” hateten Diretór Manuel Verdial ba Ajénsia TATOLI, iha estasionamentu Kombustível Realistic, Balide, ohin.

Dadus estudante na’in 712 ne’e, tuir Diretór Manuel Verdial katak iha estudante na’in neen mak iha problema ho sira-nia dokumentu sira

Tanba ne’e iha semana ne’e, nia hein, parte Ministériu Edukasaun Juventude no Desportu (MEJD) atu relata totál estudante 5 de Maio nian na’in hira mak sei tuir ezame.

Tuir informasaun husi diretór eskola ne’e, antes ne’e nia informa ona ba estudante sira atu prepara dokumentu estudante na’in neen ne’ebé mak seidauk aprezenta.

“Maibé sira ne’e mak laiha duni kaderneta husi désimu primeiru no segundu ano trimestre, segundu no terseiru nian entaun estudante sira inventa,” nia konsidera.

Notísia relevante:MEJD Fó Sai Despaxu Atu Aprezenta Estudante Nia Dokumentu Formál

Estudante 53,101 Sei Partisipa Ezame Nasionál  

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here