Ministru Transporte no Komunikasaun, José Agostinho da Silva ho Embaixadór Xina ba Timor-Leste Xiao Jianguo, halo enkontru kortezia, ohin Foto/Mídia MTK.

DILI, 16 setembru 2019 (TATOLI) – Governu Xina hato’o konvite ba Governu Timor-Leste liuhusi Ministru Transporte Komunikasaun, José Agostinho da Silva, hodi partisipa iha konferénsia mundiál internét ne’ebé maka hala’o iha Beijing, kapitál Xina nian iha outubru ne’e.

Konvite ne’e rasik tranzmite direta husi Embaixadór Xina ba Timor- Leste, Xiao Jianguo, ho nia ekipa baihira enkontru kortezia ho Ministru José Agostinho da Silva iha nia gabinete, Kaikoli, ohin.

Hafoin enkontru diplomata xinés ne’e hatete iha reuniaun ne’e sira ko’alia kona-ba konvida ministru atu bá partisipa iha konferénsia mundiál internét nian ka world internet conference.

Iha fatin hanesan, Ministru José Agostinho da Silva, hatutan objetivu husi enkontru kortezia ne’e Embaixadór Xina ba Timor- Leste ho nia ekipa hato’o hela konvite ba Governu Timor-Leste liu husi Ministru Transporte Komunikasaun atu reprezenta Governu Timor-Leste ba partisipa.

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here