Área disputa ba produsaun britas iha Aldeia Mota-ikun, Suku Mota-ulun, Postu Administrativu Bazartete, Munisípiu Liquiçá. Imajen/Eugenio Pereira

DILI, 16 setembru 2019 (TATOLI) –Kompeténsia atu esplika desizaun Tribunal nian ba kazu disputa rai iha Aldeia Muta Ikun, Suku Mota Ulun, Postu Administrativu Bazartete, Munisípiu Liquiça, mak Juiza titulár Maria Modesta ho Defeza Marino Enterprise, Pedro Apariçio  Guterres.

Notísia Relevante : Rai Kaitehu, DTP Liquiça Hatama Relatóriu Ba DNTP

Maibé, haree husi dokumentu legal ba prosesu sira ne’e, Jurista timoroan, Ruben de Carvalho, hateten, rai ne’ebé sai disputa entre kompañia Marino Enterprise ho China Harbour kategoria hela Providensia Cautelar, katak husu ba Tribunal atu deside iha tempu badak nia laran kona ba direitu no violadu ruma ho karakter urjente dentru fulan rua to’o fulan tolu nia laran tenke iha ona desizaun.

“Ha’u hanoin, relasiona ho kazu Tibar ne’ebé mak viral iha media halai liu ba providensia cautelar restituisaun provizóriu katak atu husu de’it ba Tribunal direitu posse atuál nee, monu ba iha se alias  monu ba rai nain ne’ebé uluk fa’an  ka monu ba kompañia China Harbour  ou monu ba nain ne’ebé mak hetan posse liu husi kompra e venda,” esplika Ruben de Carvalho, bainhira dada lia ho Ajénsia TATOLI, ohin, iha Tribunal Distritál Dili (TDD).

Tuir nia haree, prosesu ne’e kompañia Marino Enterprise mak loke prosesu ho nia advogadu Pedro Aparicio Guterres, tanba dala ruma Marino Enterprise sente atu lakon nia direitu, maka sira levanta iha Tribunal atu bele iha justifikasaun loloos no tuir dalan legal.

Nia mós esplika, providensia cautelar restituisaun provizóriu, atividade iha rai leten tenke para tanba konsidera la’ós embargo obra de nova.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here