Logotipu PCIC

DILI, 16 setembru 2019 (TATOLI)-Komité Revizaun Orsamentu) konkorda  ho pedidu husi Polísia Sientífika Investigasaun Kriminál (PCIC-sigla Portugés) atu aumenta adisionál  $376.000 iha OJE 2020  hodi sosa karreta ambulánsia forensik hodi tulun investigadór sira atu halo investigasaun ba kazu omisídiu sira.

“Ami husu  adisionál $376.000 hodi prevee  sosa  karreta ambulánsia  forensik no mós prevee ba apoiu nesesidade ekipamentu sira seluk tan hodi apoiu servisu PSIK nian,” informa Diretór Nasionál PSIK,  Vicente Fernandes Brito, durante aprezenta proposta orsamentu adisionál ba  Komité Revizaun Orsamentu, ohin, iha edifísiu Ministériu Finansa, Dili.

Iha tetu fiskál 2020, PSIK propoin  millaun $1-resin  hodi aloka ba saláriu vensimentu no bens serbisu.

Tuir Diretór Nasionál PSIK ne’e, hatete husi proposta adisionál no tetu fiskál 2020 ne’e sufisiente  ba tinan oin hodi ezekuta ba planu no programa PSIK nian.

Vicente Fernandes Brito, esplika husi planu ba proposta osan ba tinan oin, PSIK sei konsentra ba planu prioridade ba prevensaun, investigasaun kriminál no Governasaun di’ak  no dezenvolvimentu Institusionál.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here