Prezidente Komisaun Funsaun Públika (KFP), Faustino Cardoso. Imajen/Antonio Goncalves

DILI, 16 setembru 2019 (TATOLI)-Iha planu Orsamentu Jeral Estadu (OJE) 2020, Komisaun Funsaun Públika  (CFP-sigla Portugés),  prevee osan $2,395.499 hodi ezekuta ba saláriu vensimentu no bens serbisu.

Prezidente Komisaun Funsaun Públika (KFP), Faustino Cardoso, informa husi total OJE 2020 ne’e aloka ba saláriu vensimentu $1,84.512 no bens servisu $1,310.987.

La’o tuir pakote fiskál ne’ebé atribui mai ami iha OJE 2020  ho montante  $2.395.499,” esplika Prezidente KFP, Faustino Cardoso, ohin, hafoin aprezenta proposta tetu fiskál 2020 ba Komité Revizaun Orsamentu polítika iha edifísiu Ministériu Finansa, Dili.

Ba tinan oin, KFP laiha proposta adisionál tanba verba ne’ebé prevee sufisiente atu ezekuta no ba tinan oin sei kontinua konsentra iha planu promosaun grau ba funsionáriu públiku no kargu Xefia  ne’ebé la konsege tuir promosaun iha 2019.

Faustino Cardoso, esklarese, planu promosaun kargu xefia ne’e importante hodi evita nomeasaun no substituisaun ba kargu sira barak la tuir méritu.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here