Diretór Nasionál ESTV-MEJD, Marcelo Caetano Araújo. Foto TATOLI:Tomé Amado

DILI, 16 setembru 2019 (TATOLI)-Ministériu Edukasaun, Juventude no Desportu (MEJD), liuhusi Dirasaun Nasionál Ensinu Superiór Tékniku Vokasionál (DNESTV), dezde 2000 to’o 2019 ne’e rejista ona Eskola Sekundária Téknika Vokasionál (ESTV) 60. Maske nune’e, eskola sira ne’e nafatin ho kondisaun limitada.

Diretór Nasionál ESTV-MEJD, Marcelo Caetano Araújo hateten katak kondisaun ESTV públiku no privadu 60 seidauk hetan fasilidade sufisiente tanba ekipamentu mak karun liu.

“Ita halo komparasaun de’it kuandu ita harii eskola téknika vokasionál ida hanesan ita loke Eskola Ensinu Sekundáriu Jerál sanulu,” konsidera Diretór Marcelo Caetano Araújo durante entrevista ho jornalista Ajénsia TATOLI, iha ninia gabinete MEJD, Vila Verde, Dili, segunda (16/09/2019).

Maske ESTV sira ne’e hasoru difikuldade maibé tuir diretór nasionál ne’e katak atividade letiva ka prosesu ensinu aprendizajen kontinua la’o hanesan baibain. Nia konsidera, se buat hotu tenke hein kompleta tiha mak foin la’o sei la realiza.

“Se ita hanoin instala tiha fasilidade sira ne’e kompleta mak ita foin hala’o bainhira mak atu realiza? Ne’ebé, ita la’o uluk depois mak kompleta”.

Entretantu, ESTV 60 ne’e kompostu husi ESTV hitu iha Ermera, neen iha Bobonaro, haat iha Covalima (Suai), haat iha Liquiça no husi munisípiu sira seluk ne’e tolu tuun ba ida.

Notísia relevante:ESTV 28 Novembru Propoin Tan Profesór Na’in Hitu Ba Governu

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here