Foto/Google.

DILI, 16 setembru 2019 (TATOLI) – Xefe Departamentu Karta Kondusaun Diresaun Nasionál Transporte no Terrestre (DNTT) Ministériu Transporte no Komunikasaun (MTK), Florentina de Jesus Pereira, hatete atendimentu ba karta kondusaun iha Akanunu-Hera daudaun ne’e rigór no la’o di’ak.

“Prosesu atu teste hetan karta kondusaun iha ne’e la’o di’ak no rigór, maibé filafali ba iha kondutór sira-nia konsiénsia ida-idak nian”, dehan Florentina ba Tatoli via telefone, ohin.

Nia esplika prosesu no rekizitu teste ba karta kondusaun iha Akanunu-Hera Postu Administrativu Kristu Rei mak sira ne’ebé  foin halo tenke lori sira-nia atestadu médiku, fotografia 3×4, kartaun eleitorál kópia no orijinál. Lori uluk ba iha janela númeru I no II depois hasai invoice sira no tenke bá selu iha banku.

Nia haktuir se ema foun entaun tenke selu $15, maibé nia troka entaun depende ba iha ema ne’e, karik hakarak karta provizóriu no permanente ne’e $20 tanba haree ba iha nia kategoria rua ne’ebé temi ona ne’e DNTT haruka fali ba banku.

Kuandu troka de’it karta kondusaun provizóriu nune’e mós permanente, entaun bá iha janela III hodi foti formuláriu no janela IV ne’e faze ba iha maluk sira ne’ebé foin atu hetan karta kondusaun ho nune’e tuir teoria ba faze orál depois ba tuirmai maka prátika tama roda no se passa entaun bele foti karta kondusaun tantu karreta no motór nia prosesu hanesan.

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here