Arguido sira ba kazu oho Vera hasai foto hamutuk ho nia Defeza na'in rua. Imajen/Espesiál

DILI, 13 setembru 2019 (TATOLI) – Familia Vera halo ona audiénsia ho Prokuradoria Jerál Repúblika (PGR-sigla portugés) hodi husu atu halo fali teste Deoxyribonucleic acid ( sigla-DNA) ba kadavél ne’ebé tau hela iha Mortuáriu Ospitál Nasionál Guido Valadares (HNGV-sigla portugés).

Notísia Relevante : Kazu Oho Vera, Tribunál Absolve Arguidu Na’in Haat

Razaun husi família matebian Vera halo fila fali teste DNA tanba Tribunal Distritál Dili (TDD) suspende arguido sira tanba dehan, kadavél refere la’ós Vera.

Husi parte defeza ba arguido nain haat, liu husi Andelina Maluk Lobo katak husi parte defeza hakarak apár de’it ho saida mak iha ona, atu nune’e prosesu ba futuru sei la komplika parte balun.

“Ha’u hanoin informasaun ne’ebé mak rona husi parte família Vera nian katak sei hato’o pedidu ba PGR atu kontinua halo teste DNA, atu nune’e bele komprova loos katak kadavél nee la’ós Vera,” hateten Adelina Maluk Lobo ba Ajénsia TATOLI, ohin, liu husi mensajen WhatsApp.

Nia dehan, bainhira PGR mak konkorda ho desizaun família Vera no kontinua hatudu rezultadu negativu mak husi parte defeza halo asaun indemnizasaun sivíl kontra Ministériu Públiku (MP), Polisia Nasional Timor-Leste no família matebian Vera.

“Ha’u hanoin mezmu tempu parte defeza mós husu ba PGR atu loke investigasaun kontra Polisia Nasional Sientífika Investigasaun Kriminál (PNSIK) no MP titular,” nia hateten.

Jornalista : Domingos Piedade Freitas

Editór        : Francisco Simões

HAKEREK NO HATÁN

Please enter your comment!
Please enter your name here