DILI, 12 setembru 2019 (TATOLI)-Diresaun Nasionál Rejistu no Notariadu (DNRN), Ministériu Justisa ho World Vision Timor-Leste daudaun ne’e, enfrenta dezafiu iha prosesu rejistrasaun ba labarik husi tinan 0-5 tanba Inan-Aman barak la dekor oan ninia naran no data moris.
Notísia Relevante: DNRN-World Vision Rejista Labarik 504 iha Suku Fatubosa ho Liurai
Diretór Jerál Servisu Rejistu no Notariadu, Crisogno da Costa Neto, hateten, DNRN no World Vision Timor-Leste identifika asuntu ne’e durante prosesu rejistrasaun ba Labarik sira iha Munisípiu Baucau no Aileu.
Notísia Relevante: Labarik Na’in 2.458 iha Baucau Hetan Sertidaun Moris RDTL
“Dezafiu sira mak hanesan Inan no Aman sira la dun hatene oan nia naran no data moris loloos, fatin moris, dala ruma mós nian Avo bizavô sira nian naran mós sala-sala,” informa Crisogno da Costa Neto, ohin, ba Ajénsia TATOLI via WhatsApp.
Notísia Relevante: Rejista Labarik Tinan 0-5 Sei Lansa Da-uluk Iha Munisípiu Parte Leste
Tuir nia haree, problema ne’e akontese tanba maioria inan-aman barak maka la hatene lee no hakerek. Mezmu nune’e, ekipa tékniku kontinua ajuda no aprósima família hirak ne’e hodi prienxe formuláriu ho loloos atu labele mosu erru bainhira imprime ona ba sertidaun moris RDTL.
Notísia Relevante: MJ-World Vision Asina Akordu Rejista Labarik
Tuir relatóriu ekipa tékniku nian, Tersa (10/09/2019), rejistu ona Labarik hamutuk 127 iha Suku Fahiria, Munisípiu Aileu.
Jornalista : Agapito dos Santos
Editór : Francisco Simões
